ჯო ბაიდენის ადმინისტრაცია უკრაინისთვის Abrams M1-ის ტიპის ტანკების გადაცემას განიხილავს, რათა გავლენა მოახდინოს გერმანიაზე და ოლაფ შოლცმა, თავის მხრივ, Leopard-ის ტანკები გადასცეს უკრაინის შეიარაღებულ ძალებს. ამის შესახებ ინფორმაციას The Wall Street Journal-ი ავრცელებს. 

აშშ-ის ოფიციალურ პირებზე დაყრდნობით, გამოცემა წერს, რომ ტრანსფერი უნდა იყოს ბერლინთან დიპლომატიური შეთანხმების ნაწილი, რათა გერმანიამაც გაუგზავნოს Leopard-ის ტიპის ტანკები და ევროკავშირიკს სხვა ქვეყნებსაც მისცეს ამის უფლება. 

წყაროების თანახმად, უკრაინაში ტანკების გადატანა იყო აშშ-გერმანიის ინტენსიური მოლაპარაკებების საგანი და ბაიდენის ადმინისტრაცია თვლის, რომ ეს მოაგვარებდა დასავლეთის უთანხმოებებს ტანკებთან დაკავშირებით, რომელთა გადაცემა, ზოგიერთი ქვეყნის აზრით, სავსეა საომარი მოქმედებების ესკალაციით.

მეორე მხრივ, პენტაგონმა საჯაროდ გამორიცხა უკრაინისთვის Abrams M1-ის ტიპის ტანკების მიწოდება, რადგან ეს ტანკები საჭიროებს მნიშვნელოვან მომზადებას და ლოგისტიკურ მხარდაჭერას.

Abrams-ის ტანკები შეერთებული შტატების მთავარი საბრძოლო ტანკია, რომლის მასობრივი წარმოება 1980 წლიდან დაიწყო. ის ემსახურება აშშ-ს არმიასა და საზღვაო ქვეითთა ​​კორპუსს, ასევე ეგვიპტის, ავსტრალიის, მაროკოსა და ახლო აღმოსავლეთის რამდენიმე სახელმწიფოს შეიარაღებულ ძალებს. ის ამჟამად ერთ-ერთი ყველაზე მძიმე ტანკია, მისი საბრძოლო წონა 62 ტონას აღემატებოდა.

ავტორი: ექსპრესნიუსი,

სოციალური ქსელები

პუტინის უახლოეს თანამოაზრეებს შორის მისი ასაკის პირველი ადამიანი გარდაიცვალა - ივანოვი და საქართველო

საქართველოსთვის: კობახიძემ გაიფორმა თავი მოძალადე პრემიერად, ვერ გაექცევა პასუხისმგებლობას

პარლამენტის 2026 წლის საგაზაფხულო სესია ხელჩართული ჩხუბით დაიხურა

ექსპრეს ლომბარდი საკომუნიკაციო კამპანიას „ჰკითხე ექსპერტს“ აგრძელებს