უნდა დავეხმაროთ უკრაინას ომის მოგებაში, წინააღმდეგ შემთხვევაში, საფრთხე გვემუქრება, - ამის შესახებ მოლდოვის პრეზიდენტმა, მაია სანდუმ განაცხადა.

როგორც სანდუმ დავოსში, მსოფლიო ეკონომიკური ფორუმის ფარგლებში გამოსვლისას აღნიშნა, შექმნილი ვითარების ფონზე, ერთადერთი გამოსავალი გაერთიანებაა. 

„ჩვენ გვჯერა დემოკრატიის, ჩვენ ვაფასებთ დემოკრატიას, გვინდა ვიყოთ თავისუფალი სამყაროს ნაწილი და ერთადერთი გამოსავალი არის გაერთიანება. დიახ, რთულია, მაგრამ ჩვენ უნდა დავეხმაროთ უკრაინას ამ ომის მოგებაში, რადგან წინააღმდეგ შემთხვევაში თითოეულ ჩვენგანს საფრთხე ემუქრება. ჩვენ ვერ ვხედავთ რუსეთს, როგორც დემოკრატიულ ქვეყანას უახლოეს მომავალში, რაც ნიშნავს, რომ საფრთხე რჩება“, - განაცხადა სანდუმ, რომელმაც ყურადღება მოლდოვის ენერგეტიკულ კრიზისზეც გაამახვილა.

პრეზიდენტმა ხაზგასმით აღნიშნა, რომ მოლდოვა, "ევროკავშირისა და პარტნიორების დახმარების წყალობით",  გამოწვევებს უმკლავდება.

ავტორი: ექსპრესნიუსი,

სოციალური ქსელები

„ახლა ჩვენი ჯერია“: ბაიდენმა ამერიკული გზის დაუმთავრებელ ბუნებაზე ისაუბრა

ტრამპი ხამენეის დაკრძალვაზე: ჩვენ შეგვიძლია ყველა ერთი დარტყმით გავანადგუროთ

ელენე ხოშტარიას მიმართვა ALDE-ს - რუსეთი ცდილობს დაამარცხოს ევროპა საქართველოში

ALDE-მ საქართველოს შესახებ რეზოლუცია მიიღო