კანადის მთავრობა უკრაინაში Leopard 2-ის ტანკების გაგზავნის საკითხს ჯერ არ განიხილავს. კანადური მედიის ინფორმაციით, ამის შესახებ ქვეყნის პრემიერ-მინისტრმა, ჯასტინ ტრუდომ განაცხადა.

ტრუდოს თქმით,  კანადა უკრაინის ყველა მოთხოვნას განიხილავს და რუსეთის დასამარცხებლად, კიევს "ყველაფერს" მიაწოდებს.

„ჩვენ განვიხილავთ უკრაინის ყველა მოთხოვნას, თუმცა ჯერ არ ვართ მზად Leopard 2-ის ტანკების გადაცემასთან დაკავშირებით. ჩვენ ვართ აქ იმისთვის, რომ უკრაინას მივაწოდოთ ყველაფერი, რაც სჭირდება, რათა მათ შეძლონ რუსეთის დამარცხება“, - ამბობს კანადის პრემიერ-მინისტრი.

მანამდე, კანადურ მედიაში გავრცელდა ინფორმაცია, რომ უკრაინა გეგმავს, ქვეყანას Leopard 2-ის ტანკების გადაცემის თხოვნით მიმართოს იმ შემთხვევაში, თუ გერმანია ტექნიკის რეექსპორტს მხარს დაუჭერს.

აღსანიშნავია, რომ Leopard 2-ის ტანკებს გერმანია აწარმოებს და საბრძოლო ტექნიკის რეექსპორტისთვის სწორედ აღნიშნული ქვეყნის მთავრობის თანხმობაა საჭირო.

ავტორი: ექსპრესნიუსი,

სოციალური ქსელები

სინდისის პატიმრების ოჯახის წევრები საზოგადოებას აქტიურობისკენ და მხარდაჭერისკენ მოუწოდებენ

დეკანოიძე - ოცნება თავად ასხივებს უწიგნურობას, ძალადობას და სიძილვილს, თუმცა სხვებს აპატიმრებს

ქართველი დიპლომატები და საზოგადოება რუსეთის მიერ საქართველოს ოკუპირებულ რეგიონების ანექსიური პროცესებისა და უსაფრთხოების რისკების გაძლიერებასთან დაკავშირებით საერთაშორისო პარტნიორებს მიმართავს

უკრაინამ ვოლგოგრადში მდებარე „ისკანდერის“ სარაკეტო ქარხანას „ფლამინგოს“ რაკეტები დაარტყა