საქართველოს მესამე პრეზიდენტის ადვოკატი, შალვა ხაჭაპურიძე მოითხოვს, რომ თბილისის საქალაქო სასამართლოში მიხეილ სააკაშვილის სხდომები ყოველდღიურ რეჟიმში ჩატარდეს. 

როგორც ხაჭაპურიძემ კლინიკა „ვივამედის“ დატოვების შემდეგ განაცხადა, ექსპრეზიდენტის ჯანმრთელობის მდგომარეობა გაუარესებულია, რის გამოც სასამართლო პროცესზე დასწრებას ვერ შეძლებს.

"ეს უკვე მეექვსე გონების კარგვის შემთხვევაა მისი პატიმრობიდან, თუმცა იყო ყველაზე ძლიერი, როგორც თვითონ აღნიშნა. ჩაუტარდა რაღაც კვლევები, პასუხები ჯერ არ არის, თუმცა საკმაოდ ცუდად არის და ხვალინდელ პროცესზე ითხოვდა გადასვლას, მაგრამ ფიზიკურად შეუძლებელია.

ჩვენ ვაპირებთ მოვითხოვოთ, რომ სასამართლო პროცესები ჩატარდეს ყოველდღიურად, რაც შეიძლება გვიანობამდე“, - განაცხადა ხაჭაპურიძემ.

ცნობისთვის, მიხეილ სააკაშვილის გათავისუფლების ან სასჯელის გადავადების მოთხოვნით, მისმა ადვოკატმა, შალვა ხაჭაპურიძემ სასამართლოს შუამდგომლობით 1-ელ დეკემბერს მიმართა. მომდევნო სხდომა თბილისის საქალაქო სასამართლოში 9 იანვარს გაიმართება. 

ავტორი: ექსპრესნიუსი,

სოციალური ქსელები

PASHA Bank-ის IPO აზერბაიჯანში - თიბისი კაპიტალი ტრანზაქციის ექსკლუზიური ფინანსური მრჩეველი იყო

სტრასბურგის სასამართლომ ე.წ. FARA-ს და გრანტების კანონზე კომუნიკაციის ეტაპი დაიწყო

ვენესუელაში მიწისძვრის შედეგად დაღუპულთა რიცხვი 235-მდე გაიზარდა, 50 000 დაკარგულად ითვლება

კობახიძე: კორუფცია ხელისუფლების ზედა ეშელონებში პრინციპულად აღმოფხვრილი, დამარცხებულია