პარტიის თავმჯდომარის არჩევნების ჩატარების დღედ 2023 წლის 28-29 იანვარი განისაზღვრა, - ამის შესახებ "ერთიანი ნაციონალური მოძრაობის" პოლიტსაბჭოს თავმჯდომარემ, კობა ნაყოფიამ განაცხადა.

როგორც ნაყოფიამ პოლიტიკური საბჭოს სხდომის დასრულების შემდეგ მედიის წარმომადგენლებს უთხრა, პარტიის თავმჯდომარეს ბლოკჩეინ-სისტემით აირჩევენ.  

"ორი პროექტი იყო შემოტანილი. ერთი გულისხმობდა "ფეისბუქით" კენჭისყრას, ხოლო მეორე ბლოკჩეინის პლატფორმაზე. ორივე მხარემ მხარი დაუჭირა ბლოკჩეინს. ეს გადაწყვეტილება 69 ხმა 1-ის წინააღმდეგ მიიღეს. საუბარი იყო ბევრ დეტალზე, მათ შორის თუ როდის უნდა შეწყდეს კანდიდატთა რეგისტრაცია. კანდიდატთა რეგისტრაცია შეწყდება სამშაბათს, 18:00 საათზე. ჩამოყალიბდა საარჩევნო კომისიის შემადგენლობა, რომელიც შედგება პოლიტსაბჭოს 5 წევრისგან და თითო კომისიის წევრის დანიშვნის შესაძლებლობა ექნება თითოეულ კანიდატს", - განაცხადა კობა ნაყოფიამ და დასძინა, რომ პოლიტსაბჭომ ექსპრეზიდენტ მიხეილ სააკაშვილთან დაკავშირებით სამოქმედო გეგმაც შეიმუშავა. 

ცნობისთვის, პარტიის თავმჯდომარეობისთვის სამი კანდიდატი - ნიკა მელია, ლევან ხაბეიშვილი და გიორგი მუმლაძე იბრძოლებენ.

ავტორი: ექსპრესნიუსი,

სოციალური ქსელები

შსს: ხორავას ქუჩაზე 4 პირი დაჭრეს, ერთ-ერთი არასრულწლოვანი კლინიკაში გარდაიცვალა

იუმორისტ ონისე ოქრიაშვილს სახლთან 3 პირი ფიზიკურად გაუსწორდა

თბილისში, ვერაზე სროლა იყო - არსებული ინფორმაციით, დაჭრილია 3 ახალგაზრდა

ოლიგარქის სასამართლომ ევროკავშირისა და დასავლელი დიპლომატებისთვის „საბოტაჟის“ საქმეზე დასწრება აკრძალა