2022-12-09 13:30:32, 1137 ნახვა
საზოგადოება
ეს არის სასიკვდილო განაჩენი - ანზორ მელია სააკაშვილის პროცესის გადადებაზე
ეს არის სასიკვდილო განაჩენი, - ასე აფასებს კარდიოლოგი ანზორ მელია თბილისის საქალაქო სასამართლოში საქართველოს მესამე პრეზიდენტის პროცესის გადადებას.
მელიას განცხადებით, არათუ დღეები, გადამწყვეტი, შესაძლოა, საათები აღმოჩნდეს.
"ეს არის სასიკვდილო განაჩენი - საათებს აქვს მნიშვნელობა, არათუ დღეებს. ხვალისთვის რომ გადაედო, ესეც საშიში იყო იმიტომ, რომ კაცი არის უმძიმეს მდგომარეობაში. მარტო ერთი ორგანო ხომ არ აქვს დაზიანებული, კიდევ შეიძლება დაუზიანდეს", - უთხრა ანზორ მელიამ "ტვ პირველს".
ცნობისთვის, თბილისის საქალაქო სასამართლოში მიხეილ სააკაშვილის სასჯელის გადავადებაზე მსჯელობა 14 დეკემბრის 11:00 საათისთვის გადაიდო.
ავტორი: ექსპრესნიუსი,
epn.ge (@expressnews.ge)
