ღვინის ეროვნული სააგენტოს მხარდაჭერით, პოლონეთში, ქალაქ კრაკოვში საერთაშორისო გამოფენაში „EnoExpo 2022"  ქართული ღვინის მწარმოებელი 24 კომპანია მონაწილეობს.

გამოფენის ფარგლებში გამართულ კონკურსზე, ქართულმა ღვინოებმა ოქროს,  ვერცხლისა და ბრინჯაოს მედლები დაიმსახურეს:

ოქრო - „მარანი საფერავი ბიო 2020" (თელავის ღვინის მარანი);

ვერცხლი - „რქაწითელი" (შატო ნაფარეული);  „რქაწითელი ქვევრი 2019" (კომპანია ასკანელი), „საფერავი 2020" (მარანი ელიზბარი 1918);

ბრინჯაო -„მწავენე ქისი 2021" (მარანი ელიზბარი 1918), „სატრაპეზო ქვევრი 2018" (თელავის ღვინის მარანი), „მუკუზანი პრემიუმ 2019" (კომპანია ასკანელი), მარანი ბრუტი 2020 (თელავის ღვინის მარანი).

გამოფენის ფარგლებში, ღვინის ეროვნული სააგენტოს კონტრაქტორი მარკეტინგული კომპანიის "People PR" ორგანიზებით, ქართული  ვაზის ჯიშის, ქისისგან დამზადებული ღვინოების დეგუსტაცია გაიმართა.

გამოფენას საქართველოს საგანგებო და სრულუფლებიანი ელჩი პოლონეთის რესპუბლიკაში, ზურაბ ბერიძე დაესწრო.

პოლონეთი ქართული ღვინის საექსპორტო ერთ-ერთ სტრატეგიულ ბაზარს წარმოადგენს, სადაც, ღვინის ეროვნული სააგენტოს მხარდაჭერით, წლის განმავლობაში, არაერთი ღონისძიება იმართება. ღონისძიებების მიზანი ქართული ღვინის პოპულარიზაცია და მისი საექსპორტო პოტენციალის გაზრდაა.

მიმდინარე წლის 10 თვის მონაცემებით, საქართველოდან პოლონეთში ექსპორტირებულია 7 მლნ-მდე  ბოთლი ღვინო, ზრდამ, გასული წლის ამავე პერიოდთან შედარებით, 50% შეადგინა.

ავტორი: NS (სტატია დაფინანსებულია),

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს