2022-10-13 18:07:56, 954 ნახვა
მსოფლიო
ერმაკი - უკრაინამ ტყვეთა გაცვლის ფარგლებში 20 მებრძოლი დაიბრუნა
უკრაინამ ტყვეთა გაცვლის ფარგლებში 20 მებრძოლი დაიბრუნა. აღნიშნული ინფორმაცია უკრაინის პრეზიდენტის ოფისის ხელმძღვანელმა, ანდრეი ერმაკმა გაავრცელა.
ერმაკის განცხადებით, გათავისუფლებულთა შორის 14 უკრაინის შეიარაღებული ძალების ჯარისკაცი, 4 ტერიტორიული თავდაცვის მებრძოლი, ეროვნული გვარდიის ერთი წევრი და სამხედრო-საზღვაო ძალების ერთი სამხედროა.
„ჩვენი ხალხი ბრუნდება სახლში. პატიმრების მორიგი გაცვლა, სიხარულის კიდევ ერთი მომენტი და იმის გაცნობიერება, რომ დღეს ბევრი ოჯახისთვის ერთ-ერთი საუკეთესო დღე იქნება ცხოვრებაში. მოვახერხეთ ტყვეობიდან 20 ადამიანის გათავისუფლება", - აცხადებს ერმაკი.
ავტორი: ექსპრესნიუსი,
epn.ge (@expressnews.ge)
