კლასის დამრიგებელმა მშობლებს შეატყობინა, რომ მათი შვილები სკოლაში დილიდანვე არ გამოცხადდნენ, - ამის შესახებ განათლების მინისტრის მოადგილემ თამარ მახარაშვილმა ვაკის პარკში მომხდარ ტრაგედიაზე საუბრისას განაცხადა.

მისივე თქმით, ამ ეტაპზე მასწავლებელმა ყველა რეგულაციის დაცვით საკუთარი მოვალეობა შეასრულა.

"პირველ რიგში უმძიმესი ტრაგედია მოხდა, ვუსამძიმრებთ მარიტა მეფარიშვილის ოჯახს, რაც შეეხება 54 საჯარო სკოლას ეს კონკრეტული ბავშვები არ გამოცხადდნე დილიდან გაკვეთილზე. რეგულაციების მიხედვით დამრიგებელი ვალდებულია, როგორც კი არ გამოცხადდება მოსწავლე სკოლაში დაუყოვნებლივ აცნობოს ამის შესახებ მშობლებს, შესაბამისად მასწავლებელმა საერთო ჩათით აცნობა მშობლებს, რომ მათი შვილები არ ესწრებოდნენ საგაკვეთილო პროცესებს. საკუთარი მოვალეობა დამრიგებელმა შეასრულა". - ნათქვამია განცხადებაში.

შეგახსენებთ, რომ დღეს, ახლად გახსნილ ვაკის პარკის მრგვალ შადრევანში სკოლის 3 მოსწავლე ჩავარდა. როგორც თვითმხილველები ჰყვებიან, მერვე კლასელ გოგონას თამაშის დროს ბურთი შადრევანში ჩაუვარდა, რომლის ამოღების მცდელობისას, დენმა დაარტყა. ექიმების მისვლამდე მის გადარჩენას ორი თანატოლი ბიჭი ცდილობდა.  

ექიმებმა 13 წლის გოგონას გადარჩენა ვერ შეძლეს, მძიმეა მისი თანატოლის მდგომარეობაც. რაც შეეხება მესამე მოზარდს, 13 წლის ბიჭი იაშვილის კლინიკაში გადაიყვანეს, სადაც მართვის სუნთქვაზე იმყოფება. 

ავტორი: ექსპრესნიუსი,

სოციალური ქსელები

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება