რუსეთის ФСБ ფეიკ სტრუქტურაა, რომელიც პუტინის რეჟიმს ემსახურება,- ასე გამოეხმაურა უკრაინის დაზვერვის სპიკერი, ანდრიი იუსოვი რუსეთის ФСБ-სბრალდებას, რომ ყირიმის ხიდზე მომხდარი აფეთქება უკრაინის მიერ იყო მომზადებული.

მისი თქმით, ФСБ-სა და რუსეთის საგამოძიებო კომიტეტის ყველა საქმიანობა სისულელეა.

„ФСБ-სა და რუსეთის საგამოძიებო კომიტეტის ყველა საქმიანობა სისულელეა. ეს არის ფეიკ სტრუქტურები, რომლებიც პუტინის რეჟიმს ემსახურებიან, ამიტომ, მათ მორიგ განცხადებაზე კომენტარს ნამდვილად არ გავაკეთებთ”,- განაცხადა იუსოვმა.

ცნობისთვის, რუსეთის ФСБ-ს მიერ გავრცელებული ინფორმაციით, ყირიმის ხიდზე "ტერორისტული თავდასხმის" ორგანიზატორი უკრაინის თავდაცვის სამინისტროს მთავარი სადაზვერვო სამმართველო, მისი უფროსი კირილ ბუდანოვი, თანამშრომლები და აგენტები იყვნენ.

მათივე ცნობით, რუსეთმა, ყირიმის ხიდზე აფეთქების გამო, 8 ადამიანი დააკავა. მათ შორის 5 რუსი, 3 კი უკრაინისა და სომხეთის მოქალაქეა.

შეგახსენებთ, ყირიმის ხიდზე აფეთქება 8 ოქტომბერს მოხდა. აფეთქების შედეგად რამდენიმე ადამიანი დაიღუპა.

ავტორი: ექსპრესნიუსი,

სოციალური ქსელები

ლუკაშენკო: ბელარუსს ბრძოლა არ სურს, მაგრამ მტრის წინაშე თავს არ დახრის

სკოლებში ქიმიის სწავლება მე-7 კლასიდან დაიწყება, გაიყოფა ქართული ენისა და ლიტერატურის საგანი

ერდოღანი და ტრამპი უკრაინასთან დაკავშირებით თურქეთის ინიციატივებს განიხილავენ

მთავრობამ კვების ობიექტებისთვის პლასტმასის ერთჯერადი კონტეინერებისა და ჭიქებით სურსათის მიწოდების აკრძალვის ამოქმედება გადაავადა