ქუთაისის საერთაშორისო აეროპორტის ასაფრენი-დასაფრენი ზოლის გეგმიური რეაბილიტაცია დაიწყო. 2022 წლის იანვარ-სექტემბერში სამი საერთაშორისო აეროპორტიდან ქუთაისის საერთაშორო აეროპორტში მგზავრთნაკადის აღდგენის მაჩვენებელი ყველაზე მაღალია. რეისების მატებასთან ერთად, ფრენების უსაფრთხოებიდან გამომდინარე, საჭირო გახდა ასაფრენი დასაფრენი ზოლის გეგმიური სარემონტო სამუშაოების განხორციელება.

საქართველოს აეროპორტების გაერთიანების ინფრასტრუქტურის განვითარების სამსახურის უფროსის ვასილ კუნჭულიას ინფორმაციით, რეაბილიტაციის ფარგლებში, მოხდება საფუძვლის გამაგრების და ასაფრენ-დასაფრენ ზოლზე ასფალტის საფარის გადაგების სამუშაოები.

,,დავიწყეთ ქუთაისის საერთაშორისო აეროპორტის ასაფრენი-დასაფრენი ზოლის სარეაბილიტაციო სამუშაოები, რომელიც წლიური გეგმის მიხედვით ხორციელდება და აეროპორტის გამართული ოპერირების შემადგენელი ნაწილია. პროექტის ფარგლებში მოხდება არსებული ასაფრენი-დასაფრენი ზოლის სიცოცხლისუნარიანობის გახანგრძლივების მიზნით მოხდება კონსტრუქციის გამაგრება.  ქუთაისის აეროპორტის განვითარება ჩვენი უმთავრესი ამოცანაა. ამიტომ გრძელვადიან გეგმაში, იმისთვის, რომ აეროპორტმა შეძლოს უფრო დიდი საჰაერო ხომალდების მიღება და ოპერირება უფრო მოქნილი გახდეს, საჭირო გახდება ახალი 3 კილომეტრიანი ასაფრენი-დასაფრები ზოლის მშენებლობა,-" განაცხადა ვასილ კუნჭულია.

რეაბილიტაციის პროექტის ბიუჯეტია 8 მლნ ლარი, რომელსაც ქუთაისის აეროპორტის ოპერატორი კომპანია - საქართველოს აეროპორტების გაერთიანება საკუთარი შემოსავლებიდან ფარავს. სარეაბილიტაციო სამუშაოებს კომპანია ბლექ სი ახორციელებს.

,,სამუშოები ხორციელდება 14 დღის განმავლობაში 24 საათიან რეჟიმში. ნალექიანი დღის მიუხედავად, დღესაც ვმუშაობთ და ამ წუთებში ვახორციელებთ ასაფრენი-დასაფრენი ზოლის დაზიანებული ნაწილის დემონტაჟს. რეალურად არსებული ადეზე გასული საუკუნის 50-იან წლებში აშენდა და სამხედრო დანიშნულების იყო. მოგვიანებით, 2012 წელს მოხდა ქუთაისის აეროპორტის რეაბილიტაცია. თუმცა, რეისებისა და ტურიზმის ტრაფიკის ზრდასთან ერთად საჭირო გახადა მიმდინარე გეგმური სარემონტო სამუშაოების აუცილებლობა,-‘’განაცხადა ბლექ სი გრუპის გენერალურმა დირექტორმა ამირან მამუჭაძემ.

რეაბილიტაციის პერიოდში, 2 კვირის განმავლობაში, ფრენები თბილისის აეროპორტიდან შესრულდება.

ავტორი: NS (სტატია დაფინანსებულია),

სოციალური ქსელები

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება