საშიში ის არ არის, მცირე ტაქტიკურ ბირთვულ იარაღს თუ გამოიყენებენ, უფრო უარესი შეიძლება დაემართოს მსოფლიოს, ერთმანეთს თუ თანამგზავრებს ჩამოუყრიან, - ამის შესახებ ბოდბელმა მთავარეპისკოპოსმა, მეუფე იაკობმა განაცხადა.

ბოდბის მონასტერში ქადაგებისას მთავარეპისკოპოსმა რუსი ოკუპანტების მიერ უკრაინელი ბავშვების მკვლელობაზეც ისაუბრა და აღნიშნა, რომ "ომმა ბავშვის ეროვნება არ იცის".

"საშიში ის არ არის, მცირე ტაქტიკურ ბირთვულ იარაღს თუ გამოიყენებენ, უფრო უარესი შეიძლება დაემართოს მსოფლიოს, ერთმანეთს თუ თანამგზავრებს ჩამოუყრიან. აღარც ინტერნეტი იქნება მერე, აღარც ტელეფონები არ იქნება და წარმოიდგინეთ, რამდენი საუკუნით უკან უნდა დავბრუნდეთ. ხშირად ამბობენ, რომ უკრაინაში ბავშვებს კლავენო. სამწუხაროდ, ომი რომ მიდის, ბავშვის ეროვნება არ იცის - როგორც უკრაინელები, ისე რუსები კვდებიან ხომ იქ. ავიღოთ აი, აშშ-ში რა ამბავი ატყდა სასამართლომ რომ მიიღო, მე ვფიქრობ, ძალიან ღირსეული გადაწყვეტილება აბორტებთან დაკავშირებით - ქალების უფლება ირღვევაო. დედები რომ მკვლელები იყვნენ საკუთარი შვილების, იმას მხარს უჭერენ, წარმოგიდგენიათ და უკრაინელებზე სწუხან მერე. როგორ დაგიჯეროთ, რომ უკრაინელებზე სწუხართ. ღმერთი რასაც გაძლევს, მიიღე", - განაცხადა მეუფე იაკობმა.

ავტორი: ექსპრესნიუსი,

სოციალური ქსელები

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება