უკრაინის პრეზიდენტმა ვლადიმირ ზელენსკიმ გაეროს უშიშროების საბჭოს სხდომაზე სიტყვით გამოსვლისას განაცხადა, რომ კიევი მოსკოვთან მოლაპარაკებას არ აპირებს.

"რუსეთის მიერ ფსევდორეფერენდუმების „ნორმალურად“ აღიარება, ეგრეთ წოდებული ყირიმის სცენარის განხორციელება და უკრაინის ტერიტორიის ანექსიის მორიგი მცდელობა ნიშნავს, რომ რუსეთის ამჟამინდელ პრეზიდენტთან სალაპარაკო არაფერია.

ამ ფარსს ოკუპირებულ ტერიტორიაზე რეფერენდუმის იმიტაციაც კი არ შეიძლება ეწოდოს. წინასწარ ვიცოდით, შედეგის ნაცვლად რა გათამაშდებოდა. ინტელექტსაც კი არ სჭირდებოდა დიდი ცდა. ამ ფარსის შეთანხმებული ნომრები გავრცელდა მედიაში. რუსეთი არც იმალება.

ერთადერთი რაციონალური პასუხი ოკუპანტის ასეთ თავხედობაზე არის კიდევ უფრო მეტი მხარდაჭერა უკრაინის მიმართ. და მადლობას ვუხდი ჩვენს პარტნიორებს, რომლებიც ადასტურებენ ასეთ მხარდაჭერას: თავდაცვა, ფინანსური, სანქციები." - განაცხადა ზელენსკიმ.

ზელენსკიმ დასძინა, რომ რუსეთის ნებისმიერი დანაშაულებრივი ქმედება უკრაინას არაფერს შეცვლის.

"ჩვენ ვიმოქმედებთ ჩვენი ხალხის დასაცავად ხერსონისა და ზაპოროჟიეს რეგიონებში, დონბასში, ხარკოვის რეგიონის ჯერჯერობით ოკუპირებულ რეგიონებში და ყირიმში." -აღნიშნა უკრაინის პრეზიდენტმა.

ავტორი: ექსპრესნიუსი,

სოციალური ქსელები

პაპუაშვილი – ელენე ხოშტარიასთან დაკავშირებით რა გადაწყვეტილებებსაც მიიღებენ ექიმები, ისე იმოქმედებს პენიტენციური სამსახური

Flyone-მა კიშინაუდან ბათუმის მიმართულებით პირდაპირი ფრენები დაიწყო

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა

ივანიშვილის წარმომადგენელ პაპუაშვილს ჰქონია, რომ ცენზურა ქვეყანაში ევროკავშირის იმიჯის გამოსასწორებლად დააწესა