ოკუპანტებმა დაკეტეს ქალაქები, ხალხს წასვლის საშუალებას არ აძლევენ, რომ "ხმები" არ დაკარგონ, - ამის შესახებ ლუგანსკის ოლქის სამხედრო ხელმძღვანელმა, სერგეი გაიდაიმ რუსეთის მიერ ჩატარებულ ე.წ "რეფერენდუმზე" განაცხადა. 

მისი თქმით, რუსი ოკუპანტები ხმებს აგროვებენ მოსახლეობის ბინების სამზარეულოებში და ეზოებში, ვინაიდან უფრო მარტივია მათი იძულება. 

"რაშისტებმა დაიწყეს "არჩევნები არჩევნების გარეშე". „ხმას იღებენ“ სამზარეულოშიც და ეზოშიც. ოკუპანტებმა დაკეტეს ქალაქები, ხალხს წასვლის საშუალებას არ აძლევენ, რომ "ხმები" არ დაკარგონ. "კენჭისყრა" დღეს "გარეუბნებში ორგანიზებულ ადგილებში" დაიწყო. ეს უფრო ადვილია – აავსებენ რამდენიმე ქაღალდს ბინებსა და ეზოებში სამზარეულოში. უკიდურესად უცნაურად გამოიყურება.  კონფიდენციალურობა სრულად დარღვეულია.ოკუპანტები მოსახლეობას არ აძლევენ ლუგანსკის ოლქში რუსეთის მიერ ოკუპირებული ქალაქების დატოვების საშუალებას, რათა არცერთი ხმა არ დაკარგონ. ყველა მონაწილე დაისჯება!", - წერს გაიდაი.

შეგახსენებთ, რომ დღეს ოკუპანტი რუსეთი უკრაინის 4 ოლქში ე.წ "რეფერენდუმს" ატარებს.  კენჭისყრა დონეცკის, ლუგანსკის, ხერსონისა და ზაპოროჟიეს ოკუპირებული ოლქების "რუსეთთან მიერთებას გულისხმობს.

ავტორი: ექსპრესნიუსი,

სოციალური ქსელები

ხოშტარია - არ არსებობს მდგომარეობა, როდესაც რომელიმე „ქოცი“, ბიძინა ივანიშვილით დაწყებული პატარა ზარქუათი დამთავრებული მსხვერპლის როლში დამინახავს

„გახარია საქართველოსთვის“ პარლამენტში მომხდარი ჩხუბის გამოძიებას მოითხოვს

რა შეიცვალა საქართველოს ეკონომიკისთვის ახლო აღმოსავლეთის შეთანხმებიდან ორი კვირის თავზე?

პაპუაშვილი – ელენე ხოშტარიასთან დაკავშირებით რა გადაწყვეტილებებსაც მიიღებენ ექიმები, ისე იმოქმედებს პენიტენციური სამსახური