2022-09-18 11:20:08, 997 ნახვა
მსოფლიო
ჯო ბაიდენი დედოფალ ელისაბედ II-ის პატივის მისაგებად ლონდონში ჩავიდა
აშშ-ს პრეზიდენტი, ჯო ბაიდენი ლონდონში ორდღიანი ვიზიტით ჩავიდა, რათა დედოფალ ელისაბედ II-ს პატივი მიაგოს.
ბაიდენი შეუერთდა სხვა ქვეყნის ლიდერებს, რომლებიც პატივს მიაგებენ გარდაცვლილ მონარქს.
„ის შესანიშნავი ქალბატონი იყო. ძალიან მოხარული ვართ, რომ მასთან შეხვედრის შესაძლებლობა გვქონდა", - განაცხადა ბაიდენმა დედოფლის გარდაცვალების დღეს.
პრეზიდენტი და პირველი ლედი ჯილ ბაიდენი დედოფალს პატივს მიაგებენ, ვესტმინსტერის დარბაზში, შემდეგ კი ხელს მოაწერენ სამძიმრის წიგნს და დაესწრებიან ლიდერების მიღებას, რომელსაც ბრიტანეთის ახალი მეფე, ჩარლზ III უმანსპინძლებს.
ავტორი: ექსპრესნიუსი,
epn.ge (@expressnews.ge)
