უკრაინის პრეზიდენტი ვოლოდიმირ ზელენსკი დეოკუპირებულ იზიუმში ჩავიდა,- აღნიშნულის ინფორმაციას 25-ე ცალკეული საჰაერო სადესანტო ბრიგადა ავრცელებს.

მათი ცნობით, ზელენსკიმ უკრაინის დროშის აღმართვის ცერემონიაშიც მიიღო მონაწილეობა.

„დღეს უკრაინელი მედესანტეების მიერ გათავისუფლებულ იზიუმში უკრაინის დროშა აღმართეს. ზეიმში მონაწილეობა მიიღეს უკრაინის პრეზიდენტმა, ვოლოდიმირ ზელენსკიმ, თავდაცვის მინისტრის მოადგილე, ანა მალარიმ, უკრაინის შეიარაღებული ძალებისა და სხვა სამართალდამცავი უწყებების წარმომადგენლებმა”, - აღნიშნულია ინფორმაციაში.

გარდა ამისა, უკრაინის პრეზიდენტმა ჯარისკაცებს გათავისუფლებული უკრაინული მიწებისთვის მადლობა გადაუხადა.

შეგახსენებთ, რომ კონტრშეტევის დროს უკრაინელმა სამხედროებმა დამპყრობლებისგან უკვე დაახლოებით 8 ათასი კვადრატული კილომეტრი გაათავისუფლეს, მათგან ნახევარს ჯერ კიდევ გადის სტაბილიზაციის ღონისძიებები.

თავდაცვის სამინისტროს ინფორმაციით, უკრაინის შეიარაღებულმა ძალებმა უკვე მოახდინეს 300-ზე მეტი დასახლების დეოკუპაცია.

ავტორი: ექსპრესნიუსი,

სოციალური ქსელები

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს

ელენე ხოშტარიას უახლოეს დღეებში დამატებითი კვლევების ჩატარების მიზნით, სამოქალაქო სექტორის კლინიკა „ვივამედში" გადაიყვანენ

ტოკაევმა კობახიძე ყაზახეთის რესპუბლიკის პირველი ხარისხის „მეგობრობის" საპატიო ორდენით დააჯილდოვა

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა