რუსეთის საგარეო საქმეთა სამინისტროს სპიკერმა მარია ზახაროვამ დაადასტურა  რუსეთის სარაკეტო  დარტყმა უკრაინის ქალაქ ოდესაზე .

მისი თქმით, თავდასხმა ქალაქზე პორტის მახლობლად, სადაც მარცვლეული ინახებოდა ექსპორტისთვის, „მაღალი სიზუსტის“ რაკეტით განხორციელდა. 

ამავდროულად, ზახაროვა ირწმუნება, რომ დარტყმების სერიის მიზანი, სავარაუდოდ,  სამხედრო ნავი იყო და არა მარცვლეულის საწყობები. 

„ვოლოდიმირ ზელენსკიმ ოდესის პორტის დაბომბვას უწოდა „უხეში რუსული ბარბაროსობა“. კალიბრის რაკეტებმა გაანადგურეს ოდესის პორტის სამხედრო ინფრასტრუქტურა და ზუსტი დარტყმით უკრაინული სამხედრო ნავი გაგზავნეს კიევის რეჟიმის საყვარელ მისამართზე“, - წერს ზახაროვა.

შეგახსენებთ, რომ ოდესის პორტის ტერიტორიაზე სარაკეტო თავდასხმა განხორციელდა. რუსეთს 24 საათზე ნაკლები დრო დასჭირდა იმისათვის, რომ ეჭვქვეშ დაეყენებინა გაერო-სა და თურქეთთან მის მიერ გაფირმებული ხელშეკრულება. 22 ივლისს რუსეთმა  უკრაინის პორტების განბლოკვისა და მარცვლეულის ექსპორტის შესახებ შეთანხმებას მოაწერა ხელი. მოლაპარაკებებში ჩართული იყო გაერო და თურქეთის პრეზიდენტი.

ავტორი: ექსპრესნიუსი,

სოციალური ქსელები

საგამოძიებო: ორ სხვადასხვა კორუფციულ საქმეზე ორი პირი დავაკავეთ

კობახიძე კვლავ ცდილობს ცენზურის სამმართველოს მუშაობა გაამართლოს

კობახიძე - ბატონი ფიშერი იყო ერთადერთი ელჩი, რომელმაც არათუ არაფერი გააკეთა ამ ურთიერთობების განვითარებისთვის, არამედ ყველაფერი გააკეთა იმისათვის, რომ დაზიანებულიყო ურთიერთობები

ფიშერი - ჩვენი უფლებამოსილების ვადა საქართველოში დასრულდა - მადლობა, ბედნიერად და Auf Wiedersehen