საკონსტიტუციო სასამართლოს მოსამართლე, მანანა კობახიძე სუს-ის ფარული მოსმენების საქმეზე პროკურატურაში ჩივის. ამის შესახებ ინფორმაცია ტელეკომპანია "ფორმულა" ავრცელებს. 

წყარომ პროკურატურიდან "ფორმულას" მიაწოდა ინფორმაცია, რომ კობახიძე დაზარალებულის სტატუსს ითხოვს, რაც თავად მანანა კობახიძემაც დაადასტურა. 

მისი თქმით, გაუჩნდა ეჭვი რომ უსმენდნენ. ის პროკურატურაში უკვე გამოიკითხა.

"დაკითხული ვარ პროკურატურაში. ჩემი ინიციატივით მივმართე და მოვითხოვე დაზარალებულის სტატუსი", - განაცხადა კობახიძემ.

შეგახსენებთ, რომ 13 სექტემბერს, ღამით ინტერნეტში საპატრიარქოს წარმომადგენლების, მათ შორის, პატრიარქის მოსაყდრე მეუფე შიოს და საპატრიარქოს საზოგადოებასთან ურთიერთობის ხელმძღვანელის, დეკანოზ ანდრია ჯაღმაიძის ფარული მოსმენა-თვალთვალის ფაილები აიტვირთა.

„ტვ პირველის“ ინფორმაციით, ფაილებით დგინდება, რომ სახელმწიფო უსაფრთხოების სამსახური მღვდლების, მონაზვნების, ეპისკოპოსებისა და პატრიარქის თანაშემწეების ყოველდღიურ თვალთვალს ახორციელებდა.

გარდა ამისა, ირკვევა, რომ საპატარიარქოს წარმომადგენლებს საძინებლებში უთვალთვალებდნენ, აკონტროლებდნენ მათ საბანკო გადარიცხვებს.

სუს-იდან გამოტანილ ფაილებში მანანა კობახიძისა და პროტოპრესვიტერ გიორგი ზვიადაძის საუბარიც მოხვდა, რომელიც პრეზერვატივების კომპანია აიისას სარჩელს ეხებოდა.

ავტორი: ექსპრესნიუსი,

სოციალური ქსელები

სინდისის პატიმრების ოჯახის წევრები საზოგადოებას აქტიურობისკენ და მხარდაჭერისკენ მოუწოდებენ

დეკანოიძე - ოცნება თავად ასხივებს უწიგნურობას, ძალადობას და სიძილვილს, თუმცა სხვებს აპატიმრებს

ქართველი დიპლომატები და საზოგადოება რუსეთის მიერ საქართველოს ოკუპირებულ რეგიონების ანექსიური პროცესებისა და უსაფრთხოების რისკების გაძლიერებასთან დაკავშირებით საერთაშორისო პარტნიორებს მიმართავს

უკრაინამ ვოლგოგრადში მდებარე „ისკანდერის“ სარაკეტო ქარხანას „ფლამინგოს“ რაკეტები დაარტყა