ომის დაწყების შემდეგ უკრაინიდან რუსეთში 307 423 ბავშვი გადაიყვანეს, 18 ივნისის საღამოს მდგომარეობით, განაცხადა რუსეთის ფედერაციის თავდაცვის ეროვნული კონტროლის ცენტრის ხელმძღვანელმა მიხაილ მიზინცევმა.

რუსეთის ჰუმანიტარული რეაგირების შტაბის განცხადებაში ნათქვამია, რომ მხოლოდ 24 საათის განმავლობაში რუსეთში 29,733 ადამიანი გადაიყვანეს, მათ შორის 3,502 ბავშვი.

რუსეთის თავდაცვის სამინისტროს ცნობით, მთელი ომის განმავლობაში, 1,9 მილიონი ადამიანი წაიყვანეს რუსეთში უკრაინიდან და თვითგამოცხადებული დონეცკის სახალხო რესპუბლიკაში და ე.წ ლუგანსკის სახალხო რესპუბიკაში.

კიევმა მოსკოვი დაადანაშაულა უკრაინის ტერიტორიებიდან ბავშვების „გატაცებაში“ და მათ ე.წ დონეცკის სახალხო რესპუბლიკაში და ე.წ ლუგანსკის სახალხო რესპუბიკაში ან რუსეთში წაყვანაში. უკრაინის ხელისუფლების ცნობით, ესენი არიან ობლები და ბავშვები, რომლებსაც მშობლები ჰყავთ.

უკრაინამ ასევე დაადანაშაულა რუსეთი იმაში, რომ ოკუპირებული ტერიტორიებიდან ან იმ ტერიტორიებიდან, სადაც საომარი მოქმედებები მიმდინარეობს, ზრდასრული მშვიდობიანი მოქალაქეების ევაკუაცია უკრაინის მიერ კონტროლირებად ტერიტორიებზე აფერხებს.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს