საფრანგეთის პრეზიდენტი ემანუელმაკრონმა აღიარა, რომ მისმა საუბარმა ვლადიმერ პუტინთან შედეგი არ გამოიღო და უკრაინაში ვიზიტის შემდეგ მან ამის შეგრძნებაც დაიწყო. ამის შესახებ მან European Truth-ს, კიევში ვიზიტისას განუცხადა.

მაკრონმა აღნიშნა, რომ ზოგჯერ უკრაინა მას კრემლთან დარეკვას სთხოვდა.

„ზოგჯერ მე ვურეკავდი პრეზიდენტ ზელენსკის თხოვნით, როდესაც მას სურდა პუტინისთვის გარკვეული მესიჯების ან წინადადებების გადაცემა“, -განაცხადა მაკრონმა.

ამასთან, საფრანგეთის პრეზიდენტმა, ხაზი გაუსვა იმასა, რომ სიტყვა- იმედგაცრუება საკმარისად ვერ აღწერს იმას, თუ რა გამოიწვია რუსეთის პრეზიდენტის ვლადიმერ პუტინის ქმედებებმა.

„იმის გათვალისწინებით, თუ რამდენი საათი გავატარე ზელენკსისთან საუბარში და იმის გათვალისწინებით, რომ ახლა მქონდა შანსი ირპენი და ბუჩა მენახა, იმედგაცრუებული არ ვარ, ეს საკმარისად ძლიერი სიტყვა არაა, თუ  რა გამოიწვია ამ კაცის ქმედებებმა”,- განაცხადა მაკრონმა.

„სწორედ ამიტომ ვეცადე ომის თავიდან აცილება. ამიტომ წავედი ზამთარში მოსკოვში და მანამდე ამ კაცთან ამდენი დრო გავატარე, რადგან მივხვდი, რომ ყოველი ეტაპი, რომელშიც ის გადავიდოდა, ყოველი ახალი ნაბიჯი, როგორც უკრაინისთვის, ასევე რუსეთისთვის რაღაც შეუქცევადს შექმნიდა“,- დასძინა მაკრონმა.

შეგახსენებთ, რომ 16 ივნისს უკრაინის მხარდასაჭერად კიევში გერმანიის კანცლერი, ოლაფ შოლცი, საფრანგეთის პრეზიდენტი, ემანუელ მაკრონი და იტალიის პრემიერმინისტრი, მარიო დრაგი ჩავიდნენ. 

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს