2022-06-10 16:52:25, 1544 ნახვა
ომი უკრაინაში
უკრაინელმა სამხედროებმა ქალაქ კადიივკაში ვაგნერელთა სამხედრო ბაზა გაანადგურეს
ლუგანსკის ადმინისტრაციის ხელმძღვანელის, სერგეი გაიდაის თქმით, უკრაინელმა სამხედროებმა რუსების მიერ ოკუპირებულ ქალაქ კადიივკაში ვაგნერელთა ბაზა გაანადგურეს.
"ამჯერად ვაგნერელთა ბაზას ცეცხლი გაუჩნდა. უკრაინის შეიარაღებულმა ძალებმა მას ზუსტად დაარტყეს. მხოლოდ ერთი რაშისტი გადარჩა," - განაცხადა სამხედრო ადმინისტრაციის ხელმძღვანელმა.
ვაგნერი რუსული არაოფიციალური სამხედრო ქვედანაყოფია. ბაზა კადიივკას ადგილობრივ სტადიონზე მდებარეობს, რომელიც რუსების მიერ 2014 წლიდან ოკუპირებულია.
მედიის ინფორმაციით, ვაგნერის დაქირავებული მებრძოლები სირიასა და აღმოსავლეთ უკრაინაში მიმდინარე საბრძოლო მოქმედებებში მონაწილეობენ. რუსული დაჯგუფება სისასტიკით და არაადამიანური მოპყრობით გამოირჩევა.
ავტორი: ექსპრესნიუსი,
epn.ge (@expressnews.ge)
