2022-05-27 17:05:11, 1036 ნახვა
საზოგადოება
ზალდასტანიშვილების ქუჩაზე სკვერი სრულად განახლდა
საბურთალოს რაიონში, ზალდასტანიშვილების ქუჩა N4-ის მიმდებარედ არსებული სკვერის რეაბილიტაცია დასრულდა. ამის შესახებ ინფორმაციას თბილისის მერია ავრცელებს.
დასრულებულ სამუშაოებს საბურთალოს რაიონის გამგებელი გაიოზ ვასაძე გაეცნო.
ინფრასტრუქტურული პროექტის შედეგად, მოეწყო LED განათების სისტემა, საფეხმავლო ბილიკები, დამონტაჟდა ბავშვებისათვის სხვადასხვა სახის ატრაქციონები, ტრენაჟორები და ყველა შესაბამისი ინფრასტრუქტურა განთავსდა. ასევე, გამწვანების სამუშაოებიც განხორციელდა.
პროექტი, საბურთალოს გამგეობის დაკვეთით, კონტრაქტორმა კომპანია „ტაომ“ შეასრულა და ბიუჯეტიდან 307 428 ლარი დაიხარჯა.
ავტორი: NS (სტატია დაფინანსებულია),
epn.ge (@expressnews.ge)
