უკრაინის ომის პირველ სამ თვეში რუსეთში დაღუპულთა რიცხვი იგივეა, რაც საბჭოთა კავშირში ავღანეთში ცხრაწლიანი ომის დროს. აღნიშნულის შესახებ ინფორმაციას ბრიტანეთის თავდაცვის სამინისტრო აქვეყნებს.

ბრიტანეთის დაზვერვის ცნობით, დაბალი დონის ცუდი ტაქტიკის ერთობლიობამ, შეზღუდულმა საჰაერო დაფარვამ და სარდლობის მიდგომამ, მსხვერპლის მაღალი მაჩვენებელი გამოიწვია, რომელიც კვლავ განაგრძობს ზრდას.

„რუსეთის საზოგადოება წარსულში მგრძნობიარე იყო არჩევითი ომების დროს მიყენებული დანაკარგების მიმართ. ამიტომ უკრაინაში მსხვერპლთა რიცხვის ზრდასთან ერთად, დანაკარგები უფრო აშკარა გახდება და შეიძლება გაიზარდოს ომით საზოგადოების უკმაყოფილება და მისი გახმოვანების სურვილი“,- აღნიშნულია დაზვერვის განცხადებაში.

შეგახსენებთ, რომ მანამდე ევროკავშირის უმაღლესმა დიპლომატმა, ჯოზეფ ბორელმა განაცხადა, რომ თუ ეს რიცხვები და ცნობები დადასტურდება, რუსეთის ჯარებს მსხვერპლის რაოდენობით მსოფლიო რეკორდის დამყარება შეეძლებათ.

ავტორი: ექსპრესნიუსი,

სოციალური ქსელები

პაპუაშვილი – ელენე ხოშტარიასთან დაკავშირებით რა გადაწყვეტილებებსაც მიიღებენ ექიმები, ისე იმოქმედებს პენიტენციური სამსახური

Flyone-მა კიშინაუდან ბათუმის მიმართულებით პირდაპირი ფრენები დაიწყო

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა

ივანიშვილის წარმომადგენელ პაპუაშვილს ჰქონია, რომ ცენზურა ქვეყანაში ევროკავშირის იმიჯის გამოსასწორებლად დააწესა