რუსეთიდან ფინეთში ბუნებრივი აირის იმპორტი შეჩერებულია, მთელი ზაფხულის სეზონის განმავლობაში კომპანია ბალტიკონექტორის მილსადენით სხვა მომწოდებლებისგან საწვავს შეისყიდის, -  ნათქვამია ფინეთის სახელმწიფო გაზის კომპანია Gasum-ის ვებგვერდზე.

„გაზუმი აბონენტებს ბუნებრივ გაზს სხვა წყაროებიდან Balticconnector მილსადენით მიაწოდებს. გაზის ქსელში გაზის ავტოგასამართი სადგურები ჩვეულ რეჟიმში განაგრძობენ მუშაობას“, - ნათქვამია განცხადებაში.

როგორც ფინეთის სახელმწიფო გაზის ოპერატორმა Gasgrid Finland-მა დააზუსტა, გაზის მიწოდება შეწყდა იმატრას პუნქტით, ხოლო ქვეყნისთვის საჭირო გაზის მთელი მოცულობა უკვე იმპორტირებულია Balticconnector-ით. კომპანიის ცნობით, „[ფინეთის] გაზის სისტემა ამჟამად დაბალანსებულია“.

„გაზპრომ ექსპორტი“ აპირებს დაიცვას თავისი ინტერესები არბიტრაჟში ფინეთთან, რომელმაც არ მიიღო რუსული გაზის გადახდის ახალი პირობები, განუცხადეს კომპანიამ RBC-ს.

„გაზპრომ ექსპორტი“ დაიცავს თავის ინტერესებს საარბიტრაჟო განხილვებში არსებული საშუალებებით“, - აცხადებენ კომპანიაში.

„გაზპრომ ექსპორტმა“ დასძინა, რომ 20 მაისის სამუშაო დღის ბოლომდე (ხელშეკრულებით გათვალისწინებული გადახდის ვადა) მას არ მიუღია გასუმისგან გადახდა აპრილში გაზის მიწოდებისთვის. ამიტომ, სანამ გადახდა არ მოხდება, ფინურ მხარეს გაზის მიწოდება შეუჩერდება.

ავტორი: ექსპრესნიუსი,

სოციალური ქსელები

PASHA Bank-ის IPO აზერბაიჯანში - თიბისი კაპიტალი ტრანზაქციის ექსკლუზიური ფინანსური მრჩეველი იყო

სტრასბურგის სასამართლომ ე.წ. FARA-ს და გრანტების კანონზე კომუნიკაციის ეტაპი დაიწყო

ვენესუელაში მიწისძვრის შედეგად დაღუპულთა რიცხვი 235-მდე გაიზარდა, 50 000 დაკარგულად ითვლება

კობახიძე: კორუფცია ხელისუფლების ზედა ეშელონებში პრინციპულად აღმოფხვრილი, დამარცხებულია