თვის დასაწყისში სავარჯიშო აქტივობების შემდეგ, ბელარუსმა გამოაცხადა სპეციალური ოპერაციების ძალების განლაგების შესახებ უკრაინის საზღვრის გასწვრივ, ასევე საჰაერო თავდაცვის, საარტილერიო და სარაკეტო დანაყოფების საწვრთნელ პოლიგონებზე ქვეყნის დასავლეთში,- ამის შესახებ ინფორმაციას დიდი ბრიტანეთის სადაზვერვო სამსახური ავრცელებს.

დაზვრევის ინფორმაციიით, ვარაუდების მიუხედავად, ბელორუსის ძალები ამ დრომდე უშუალოდ კონფლიქტში არ მონაწილეობენ.

„ბელორუსის ჯარების არსებობა საზღვართან, სავარაუდოდ, შეზღუდავს  უკრაინულ ჯარებს, ამიტომ ისინი ვერ განლაგდებიან დონბასში ოპერაციების მხარდასაჭერად. თუმცა, ბელორუსის ტერიტორია გამოიყენებოდა, როგორც დამდგმელი პუნქტი რუსეთის თავდაპირველი წინსვლისთვის კიევისა და ჩერნიგოვის მიმართულებით. რუსეთმა ასევე განახორციელა საჰაერო გაფრენები და სარაკეტო დარტყმები ბელორუსიდან.“- აღნიშნულია დაზვერვის განცხადებაში.

გარდა ამისა, ბელორუსის პრეზიდენტი ალექსანდერ ლუკაშენკო, სავარაუდოდ, აბალანსებს რუსეთის ქმედებებს  უკრაინაში, რათა თავიდან აიცილოს პირდაპირი სამხედრო მონაწილეობა დასავლეთის სანქციების, უკრაინის შურისძიების და ბელორუსის სამხედროების შესაძლო უკმაყოფილები რისკი.

შეგახსენებთ, რომ 24 თებერვალს, დილის საათებში, რუსეთის პრეზიდენტმა, ვლადიმირ პუტინმა უკრაინის წინააღმდეგ საომარი მოქმედებების დაწყების გადაწყვეტილება მიიღო. უკრაინაში საგანგებო მდგომარეობაა გამოცხადდა და საჰაერო სივრცე ჩაიკეტა. რუსეთის სამხედრო ძალებმა უკრაინაზე სხვადასხვა მიმართულებიდან დაიწყეს შეტევა.

ავტორი: ექსპრესნიუსი,

სოციალური ქსელები

გვარამია: ხოშტარიას საკითხზე ველოდებით ადეკვატურ გადაწყვეტილებას, წინააღმდეგ შემთხვევაში საპასუხო რეაგირება გვექნება

ევროპულმა სასამართლომ 5 სამოქალაქო ორგანიზაციის დაყადაღების საქმეზე არსებითი განხილვა დაიწყო

პირველი ქართული YouTube ბიზნესშოუ - Punchline Profit მეორე ეპიზოდით გრძელდება

FT: ჰორმუზის სრუტეში ნაოსნობის აღდგენას ნაღმების გამო თვეები დასჭირდება