საქართველოს ხელისუფლების დღევანდელი განცხადებები, რბილად რომ ვთქვათ, გულს მიტეხს. როდესაც საუბარია, რომ ქართული ბანკების მეშვეობით რუსეთი გვერდს უვლის სანქციებს,- ამის შესახებ უკრაინის რადას ფრაქცია „ხალხის მსახურის“ ლიდერმა, დავით არახამიამ განაცხადა. 

მისი თქმით, ერთია გეშინოდეს, მაგრამ მეორეა, ტელევიზიით გამოდიოდე და აცხადებდე, რომ უკრაინა ისჯება და რუსეთის მხრიდან ომი ვერ აიცილა. 

"საქართველოს ხელისუფლების დღევანდელი განცხადებები, რბილად რომ ვთქვათ, გულს მიტეხს. როდესაც საუბარია, რომ ქართული ბანკების მეშვეობით რუსეთი გვერდს უვლის სანქციებს. როდესაც პრემიერ-მინისტრი განცხადებებში ამბობს, რომ უკრაინა ისჯება და ვერ აიცილა ომი. ამით თითქოს მიუთითებს, რომ რუსეთი მართალი და ყოჩაღია. ამას ოდესმე დავუბრუნდებით, ახლა არ გვცალია. ჩემი აზრით, ეს საქართველოს მოსახლეობამ უნდა შეაფასოს. ჩემს თაობას, მანამდეც და შემდეგ, გულით დააქვთ სამხრეთ ოსეთისა და აფხაზეთის ტკივილი. გვინახავს, რა არის რუსული აგრესია. ქართველები ყოველთვის ყველაზე თავისუფლების მოყვარე ერი იყო და ახლა პოლიტიკურ დონეზე ასეთი განცხადებები კეთდება. ერთია სამზარეულოში ილაპარაკო თუ გეშინია, მაგრამ მეორეა, როცა ტელევიზიაში აცხადებ",- განაცახადა არახამიამ „მთავარ არხთან“ საუბრისას. 

შეგახსენებთ, რომ საქართველოს პრემიერმა, ირაკლი ღარიბაშვილმა ჟურნალისტებთან საუბრისას განაცხადა, რომ 'თუ ვინმე დაიჩაგრებოდა და დაისჯებოდა ამ ომით, იქნებოდა უკრაინა". მისივე თქმით, უკრაინაში მთელი რიგი ტერიტორიები უკვე ოკუპირებულია რუსეთის მიერ და ამის შემჩერებელი არავინ არ არის. 

ავტორი: ექსპრესნიუსი,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს