დიდი ბრიტანეთის დაზვერვა უკრაინაში მიმდინარე ყოველდღურ ანალიზს აქვეყნებს და წერს, რომ უკრაინელი სამხედროები აგრძელებენ ლოკალურ კონტრშეტევებს კიევის ჩრდილოეთით, მათ შორის, ირპენში, ბუჩასა და გოსტომელეში. 

„ამ თავდასხმებს ჰქონდა გარკვეული წარმატება და რუსმა ოკუპანტებმა რამდენიმე პოზიციიდან უკან დაიხიეს", - აღნიშნულია დაზვერვის ინფორმაციაში.

ცნობისთვის, გუშინ, უკრაინის პრეზიდენტმა ვოლოდიმირ ზელენსკიმ განაცხადა, რომ უკრაინულმა მხარემ დაიბრუნა კონტროლი კიევის ოლქის ქალაქ ირპენზე. 

„ამავდროულად, რუსეთი კვლავ მნიშვნელოვან საფრთხეს უქმნის კიევს, მისი დარტყმის შესაძლებლობების გამო", - ვკითხულობთ დაზვერვის ინფორმაციაში. 

რაც შეეხება მარიუპოლში არსებულ ვითარებას, რომელიც რამდენიმე კვირაა რუსი ჯარისკაცების მიერ არის ალყაშემორტმული, ბრიტანეთის თავდაცვის სამინისტრო აღნიშნავს, რომ „ქალაქის ცენტრი უკრაინის კონტროლის ქვეშ რჩება". 

ავტორი: ექსპრესნიუსი,

სოციალური ქსელები

რუტე: მომავალი წლისთვის ალიანსს ექნება შესაძლებლობა, ყოველწლიურად 4 მლნ-მდე ჭურვი აწარმოოს

დონალდ ტრამპი ანკარაში ჩავიდა

პაპუაშვილი: ევროკავშირს აღარ აქვს ფუფუნება, საკუთარ თავს კვლავ ექსკლუზიურ კლუბად აღიქვამდეს

დეპარტამენტი: ავტობანის ლანჩხუთი-ლესას მონაკვეთი 9 ივლისამდე ჩაიკეტება