აშშ-ის მთავრობა მტკიცებულებების შეფასების საფუძველზე მიიჩნევს, რომ უკრაინაში სამხედრო დანაშაულები იქნა ჩადენილი.

აშშ-ს სახელმწიფო მდივნის, ანტონი ბლინკენის განცხადებით, რუსი ოკუპანტები მშვიდობიანი მოქალაქეების მიმართულებით ცეცხლს განზრახ ხსნიდნენ.

„ვლადიმირ პუტინის მიერ არაპროვოცირებული და უსამართლო ომის დაწყებამ, უკრაინაში რუსეთის უმოწყალო აგრესია გამოიწვია, რასაც ათასობით მშვიდობიანი მოქალაქის დაღუპვა და დაჭრა მოჰყვა. რუსულმა ჯარმა გაანადგურა სახლები, საავადმყოფოები, სკოლები, სავაჭრო ცენტრები, სამოქალაქო ინფრასტრუქტურა და ა.შ. პუტინის ძალებმა გამოიყენეს იგივე ტაქტიკა, რითიც ისინი ჩეჩნეთსა და სირიაში მოქმედებდნენ. სანამ რუსეთი ყოველდღიურ დაბომბვებს აგრძელებს, იღუპებიან ქალები და ბავშვები. გაერომ 2 500 მშვიდობიანი მოქალაქის გარდაცვალების ან დაჭრის ფაქტი ოფიციალურად დაადასტურა. მშვიდობიანი მოქალაქეების სამიზნედ ამოღება არის ომის დანაშაული. სწორედ ამიტომ, იმ ინფორმაციის საფუძველზე, რაც აშშ-ს მთავრობისთვის ამ დროისთვის ცნობილი და დადასტურებულია, უკრაინაში მებრძოლ რუს სამხედროებს ომის დამნაშავეებად ვაცხადებთ. ეს გადაწყვეტილება საჯარო და დაზვერვის წყაროებიდან მიღებული ინფორმაციის განხილვის საფუძველზე მივიღეთ. აშშ ომის დანაშაულის შესახებ არსებული ინფორმაციების მოკვლევას კვლავაც განაგრძობს“, - აღნიშნულია ენტონი ბლინკენის განცხადებაში.

ავტორი: ექსპრესნიუსი,

სოციალური ქსელები

„ბლუმბერგი“: ევროპა არ ელის, რომ ტრამპი რუსეთის წინააღმდეგ ახალ სანქციებს დააწესებს ან უკრაინას დახმარებას გაუწევს

დამასკოში, ტურიზმის სამინისტროსთან ორი აფეთქების შედეგად 18 ადამიანი დაშავდა, მათ შორის ოთხი პოლიციელია

მარიჯანის ქუჩის მაცხოვრებლებს ექსპერტებმა ზეპირსიტყვიერად განუცხადეს, რომ ევაკუაცია არ მოხდება

უკრაინაში SOCAR-ის სადგურზე თავდასხმის გამო აზერბაიჯანმა რუსეთის ელჩი დაიბარა