მარნეულელი აქტივისტი: ალტ-ინფომ პირველი მუქარა შეასრულა, მოვიდნენ და ენმ-ის ოფისი დაამახინჯეს

2022-03-20 12:52:05, 958 ნახვა

საზოგადოება

მარნეულში, "ერთიანი ნაციონალური მოძრაობის" ოფისს წითელი საღებავები შეასხეს და კედელზე შეურაცხმყოფელი წარწერები დატოვეს.

როგორც მარნეულელი აქტივისტი, სამირა ბაირამოვა ამბობს, ოფისის დაზიანებაში ბრალდებული პრორუსულმა ჯგუფი "ალტ-ინფოა", რომლებმაც მის მიმართ პირველი მუქარა შეასრულეს.

"ალტ-ინფო თავისი პირველი მუქარა შეასრულეს, მოვიდნენ ენმ-ის ოფისში და ასე დამახანჯეს!
კარგად იციან რომ მე არ ვარ ენმ-ის წევრი და ეს მათი პროვაკაცია! იმედი მაქვს შსს ესმის, რომ ისინი რამდენად საშიში არიან,"- წერს ბაირამოვა Facebook-ზე.

ცნობისთვის, 14 მარტს, მარნეულში "ალტ-ინფოს" ოფისის გახსნა სამირა ბაირამოვამ გააპროტესტა და ოფისის ფასადზე უკრაინისა და ევროკავშირის დროშები დახატა.

შინაგან საქმეთა სამინისტროს მომხდარზე განცხადება ამ დრომდე არ გაუკეთებია.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,