2021-11-25 11:55:07, 682 ნახვა

---

ანრი ოხანაშვილი - შეგიძლიათ დაასახელოთ საკითხი, რომელზეც „ენმ“ არ აცხადებს ბოიკოტს? მალე საკუთარ თავს გამოუცხადებენ

საპარლამენტო უმრავლესობის წევრი ანრი ოხანაშვილი აცხადებს, რომ საქართველოს ისტორიაში უზენაესი სასამართლოს მოსამართლეთა არჩევნის გამჭვირვალე ფორმა, რომელიც არ არსებობდა 2019 წლამდე, უპრეცედენტოა.

ოხანაშვილი ოპოზიციის ბოიკოტსაც გამოეხმაურა და აღნიშნა, რომ „ნაცმოძრაობა“ პოლიტიკის მიღმაა გასული და მმართველი გუნდისთვის ეს არაფერს ნიშნავს.

„უპრეცედენტოა საქართველოს ისტორიაში უზენაესი სასამართლოს მოსამართლეთა არჩევის ასეთი გამჭვირვალე ფორმა, ის არ არსებობდა 2019 წლამდე და „ქართული ოცნების“ გუნდის დამსახურებით ჩვენ შევძელით მიგვეღწია ასეთი გამჭვირვალე პროცესის წარმართვის და ყველას, საზოგადოებას აქვს სრული მონიტორინგის შესაძლებლობა, თუ როგორ წარიმართება პროცესი.

შეგიძლიათ დაასახელოთ საკითხი, რომელზეც არ აცხადებს „ნაციონალური მოძრაობა“ ბოიკოტს? მე მგონი საკუთარ თავს გამოუცხადებენ ცოტახანში ბოიკოტს ასე რომ, აბსოლუტურად პოლიტიკის მიღმა არიან ეს ადამიანები გასულები, ეს მათი არჩევანია, მილევად რეჟიმში არიან, ფაქტი ეს არის, ასე რომ, ეს ჩვენთვის არაფერს არ ნიშნავს“, - განაცხადა ანრი ოხანაშვილმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი