2021-11-01 14:43:37, 586 ნახვა

---

ადვოკატი - სამართლებრივი თვალსაზრისით არსებობს სრული შესაძლებლობა, რომ ალტერნატიულ კონსილიუმსაც მიეცეს უფლება მოინახულოს სააკაშვილი

სამართლებრივი თვალსაზრისით არსებობს სრული შესაძლებლობა, რომ ალტერნატიულ კონსილიუმსაც მიეცეს უფლება მოინახულოს მიხეილ სააკაშვილი, გაეცნოს მის ჯანმრთელობის მდგომარეობას, გასცეს რეკომენდაციები- ამის შესახებ საქართველოს მესამე პრეზიდენტის მიხეილ სააკაშვილის ადვოკატმა ბექა ბასილაიამ ჟურნალისტებთან საუბრისას განაცხადა.

მისი თქმით, იუსტიციის სამინისტრო მაქსიმალურად ბლოკავს ადეკვატურ, დამოუკიდებელ, საღ აზრს მიხეილ სააკაშვილის ჯანმრთელობასა და უსაფრთხოებასთან დაკავშირებით.

„პროფესიული წრეებიდან, სამედიცინო სფეროდან წამოსულ ნებისმიერ ინიციატივას, ბუნებრივია, მივესალმებით. თუმცა, ეს რამდენად მოხერხდება ამასთან დაკავშირებით ამ წუთას კონკრეტული განმარტების გაკეთება არ შემიძლია, განსაკუთრებით იმ ვითარებაში, როდესაც ვხედავთ, რომ იუსტიციის სამინისტრო მაქსიმალურად ბლოკავს ადეკვატურ, დამოუკიდებელ, საღ აზრს მიხეილ სააკაშვილის ჯანმრთელობასა და უსაფრთხოებასთან დაკავშირებით, ეს იქნება მის მიერვე შექმნილი კომისიის რეკომენდაციის არგათვალისწინება, სახალხო დამცველის დასკვნის არგათვალისწინება, თუ პრემიერ-მინისტრის პირდაპირ ბოროტული განცხადებები, როდესაც ადამიანს თვითმკვლელობისკენ მოუწოდებდა.

სამართლებრივი თვალსაზრისით არსებობს სრული შესაძლებლობა, რომ ალტერნატიულ კონსილიუმსაც მიეცეს უფლება მოინახულოს მიხეილ სააკაშვილი, გაეცნოს მის ჯანმრთელობის მდგომარეობას, გასცეს რეკომენდაციები და განახორციელოს ყველა ის ღონისძიება, რაც მისი ადეკვატური მკურნალობისთვის არის მნიშვნელოვანი”, - აცხადებს ბექა ბასილაია.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი