თქვენზე უბინძურესი ადამიანები ამ ქვეყანაში არ არსებობენ, - ასე მიმართა დედაქალაქის მერმა, კახა კალაძემ „მთავარი არხის“ ჟურნალისტს.

ჟურნალისტმა მას საარჩევნო კამპანიის მრჩეველ მოშე კლუგჰაფტის გეგმაზე ჰკითხა „მედიაზე შეტევა ვნახეთ, 5 ივლისს სადამსჯელო ღონისძიება მოგვიწყვეთ, გახარიას კოკაიშნიკი ნამდვილად უწოდეთ, რაც ეწერა სტრატეგიაში“, რაზეც კალაძემ „სიტყვების შერჩევისკენ“ მოუწოდა.

„მე მგონი უნდა შეარჩიოთ სიტყვები, კახა კალაძეს არავისთვის არაფერი მოუწყვია და არც „ქართულ ოცნებას“, სიტყვები შეარჩიეთ“, - მიმართა კალაძემ ჟურნალისტს.

ჟურნალისტმა კალაძისთვის შეკითხვის დასმა განაგრძო და უთხრა, რომ 5 ივლისს, რადიკალური ჯგუფის წარმომადგენლები ევროკავშირის ოფისთან მივიდნენ, რაზეც დედაქალაქის მერმა ასე უპასუხა:

„თქვენზე დიდი რადიკალები, თქვენზე უბინძურესი ადამიანები ამ ქვეყანაში არ არსებობს. თქვენ ხართ თავი და თავი სიძულვილის, ბოროტები, თუ რაიმე ცუდი შეძლება გაიფიქროს ადამიანმა, თქვენ ხართ ამის სახე“, - დასძინა კალაძემ.

ავტორი: ექსპრესნიუსი,

სოციალური ქსელები

კოალიცია ცვლილებისთვის და სტრატეგია აღმაშენებელი იწყებენ კამპანიას - ემიგრანტის ხმა

კალაძე ადასტურებს, რომ რეჟიმი ტრადიციების დასაცავად საკანონმდებლო რეგულაციების გამკაცრებას გეგმავს

ეროვნული ბანკი აფრთხილებს, რომ ქვეყანაში ფინანსური პირამიდები გამოჩდნენ და ხალხის ფულს იზიდავენ

კუპრაძე ელისაშვილის წინააღმდეგ წაყენებულ ახალ ბრალდებებზე: ეს არ არის სამართლებრივი, არამედ პოლიტიკური სასამართლო პროცესია