თავისუფალი და სამართლიანი არჩევნებისთვის უწყებათაშორისი კომისიის მეხუთე სხდომა გაიმართა.

სხდომა  ონლაინ ფორმატში, იუსტიციის მინისტრის მოადგილის, თორნიკე ჭეიშვილის ხელმძღვანელობით ჩატარდა.

კომისიამ ადმინისტრაციული რესურსის შესაძლო გამოყენების ფაქტებზე და საჯარო მოსამსახურეების მხრიდან საარჩევნო კანონმდებლობის სავარაუდო დარღვევებზე იმსჯელა.

ასევე, განიხილეს მედიით გავრცელებული საარჩევნო კანონმდებლობის სავარაუდო დარღვევის ფაქტები და კომპეტენტური უწყებებისგან დეტალური ინფორმაცია მოისმინეს ამ ფაქტების მიმართ გატარებული პრევენციული ღონისძიებების და რეაგირებების შესახებ. პროცესი არასამთავრობო ორგანიზაციების აქტიური ჩართულობით წარიმართა. 

სხდომაზე 2021 წლის 2 ოქტომბრის არჩევნებისათვის ადმინისტრაციული რესურსების გამოუყენებლობის შესახებ გაფორმებული მემორანდუმის შესახებაც იმსჯელეს.  მემორანდუმის ინიციატორია „საარჩევნო სისტემების საერთაშორისო ფონდი" (IFES), ხოლო დოკუმენტის  ხელმომწერი მხარეები არიან როგორც ცესკო და სახელმწიფო უწყებები, ასევე არასამთავრობო ორგანიზაციები.

როგორც აღინიშნა, გაგრძელდება მუშაობა საარჩევნო კოდექსში შეტანილი ახალი ცვლილებების სწორი ინტერპრეტაციისთვის - შემუშავდება რეკომენდაციები და დაეგზავნება შესაბამის უწყებებს შესასრულებლად.

კომისიის სხდომები მომდევნო კვირიდან ინტენსიურ (ერთკვირიან) რეჟიმზე გადავა.

კომისიის მუშაობაში სახელმწიფო უწყებების,  პოლიტიკური პარტიებისა და არასამთავრობო ორგანიზაციების  წარმომადგენლები მონაწილეობენ.

ავტორი: NS (სტატია დაფინანსებულია),

სოციალური ქსელები

რუსაეთში ნავთობპროდუქტების წარმოების ბოლო 20 წლის განმავლობაში ყველაზე დიდი ვარდნა დაფიქსირდა

ქეთი დუმბაძე ონისე ოქრიაშვილზე ფიზიკურ თავდასხმაზე - ძალიან შევწუხდი და განვიცდი

ნოდარ დუმბაძის შვილიშვილი - ბაბუაჩემის სახელით ადამიანის ცემა ან პროვოკატორის ნახელავი უნდა იყოს, ან იდიოტის

შსს - ონისე ოქრიაშვილზე თავდამსხმელი პოლიციაში გამოცხადდა და იკითხება