ეკონომიკისა და მდგრადი განვითარების მინისტრი ნათია თურნავა რეგიონში პირველი „აუთლეტ ვილიჯის" პროექტის წარდგენას დაესწრო.

კომპანია „ჯორჯიან აუთლეტ ენდ რეზორტ გრუპი" 10 ჰექტარ ტერიტორიაზე ქალაქის ტიპის „აუთლეტ ვილიჯის" მშენებლობის პირველ ფაზას 2022 წელს დაასრულებს. პროექტის ინვესტიციის მოცულობა 70 მილიონი ლარია. „აუთლეტ ვილიჯის" მშენებლობის პროცესში შეიქმნება 500 სამუშაო ადგილი, ხოლო სავაჭრო სივრცის სრული დატვირთვით ფუნქციონირებისას 2 000-ზე მეტი ადამიანი დასაქმდება. ჯამში „აუთლეტ ვილიჯში" 110 ბრენდი განთავსდება.

ნათია თურნავას თქმით, ეს არის მართლაც უნიკალური პროექტი, რომელიც საუკეთესო ევროპული სტანდარტებით, ევროპულ მაგალითებზე დაყრდნობით აშენდება და არ ჩამოუვარდება ევროპულ ანალოგებს.

„საქართველოში ასეთი მსხვილი, 70 მილიონი ლარის ინვესტიციის მქონე პროექტის  განხორციელება, პირველ რიგში, მნიშვნელოვანია ვაჭრობის დარგისთვის. მეორე და მნიშვნელოვანი, ეს არის ტურიზმის ხელშეწყობა - იცით, რომ ტურიზმის აღდგენა მიმდინარეობს, რასაც მოჰყვება ქვეყანაში კვლავინდებურად ათასობით ტურისტის შემოსვლა, რომელთაც ჩვენი ტრადიციული ტურისტული ღირსშესანიშნაობების მონახულებასთან ერთად, სასიამოვნო გარემოში შოპინგის საშუალებაც მიეცემათ", - აღნიშნა ნათია თურნავამ.

ავტორი: NS (სტატია დაფინანსებულია),

სოციალური ქსელები

ლავროვისა და რუბიოს პირველი შეხვედრა თითქმის ერთი წლის შემდეგ მხოლოდ 35 წუთს გაგრძელდა

რუსაეთში ნავთობპროდუქტების წარმოების ბოლო 20 წლის განმავლობაში ყველაზე დიდი ვარდნა დაფიქსირდა

ქეთი დუმბაძე ონისე ოქრიაშვილზე ფიზიკურ თავდასხმაზე - ძალიან შევწუხდი და განვიცდი

ნოდარ დუმბაძის შვილიშვილი - ბაბუაჩემის სახელით ადამიანის ცემა ან პროვოკატორის ნახელავი უნდა იყოს, ან იდიოტის