2021-08-11 15:52:06, 920 ნახვა
მსოფლიო
ბერლინში ბრიტანეთის საელჩოს თანამშრომელი რუსეთის სასარგებლოდ ჯაშუშობის ბრალდებით დააკავეს
გერმანიის პოლიციამ დააკავა დიდი ბრიტანეთის მოქალაქე, რომელიც გარკვეული ანაზღაურების სანაცვლოდ, რუსეთის სადაზვერვო სამსახურებთან თანამშრომლობაშია ეჭვმიტანილი. ინფორმაციას „დოიჩე ველე“ ავრცელებს.
ეჭვმიტანილი, რომელიც დასახელებულია როგორც დევიდ ს, ბერლინში დიდი ბრიტანეთის საელჩოში მუშაობს. ფედერალურმა სამსახურმა ის პოტსდამში დააკავა.
სამართალდამცავთა ინფორმაციით, დაკავებული რუსეთის სპეცსამსახურებს ინფორმაციას გასული წლის ნოემბრის შემდეგ აწვდიდა.
მედიის ცნობით, ამჟამად მიმდინარეობს ეჭვმიტანილის სამუშაო ადგილისა და საცხოვრებელი სახლის ჩხრეკა.
ავტორი: ექსპრესნიუსი,
epn.ge (@expressnews.ge)
