სოფლის მეურნეობის სამეცნიერო-კვლევითი ცენტრის დირექტორმა, ლევან უჯმაჯურიძემ, წილკნის მეაბრეშუმეობის ლაბორატორიაში, უზბეკეთის მეაბრეშუმეობის სამეცნიერო-კვლევითი ინსტიტუტის დირექტორს, შუხრატ აბდულაზიზოვს და უზბეკეთის დელეგაციის წევრებს უმასპინძლა. ლევან უჯმაჯურიძემ სტუმრებს მეაბრეშუმეობის მიმართულებით განხორციელებული და მიმდინარე სამუშაოები და არსებული პროექტები გააცნო.

უზბეკეთის მხარემ საქართველოს თუთის აბრეშუმხვევიას ის ხუთი ქართული ჯიში გადასცა, რომელიც გასული საუკუნის 70-80-იანი წლებიდან უზბეკეთში, თუთის აბრეშუმხვევიას ჯიშთა მსოფლიო კოლექციაში ინახებოდა. ერთობლივი სამეცნიერო-კვლევების წარმოების მიზნით, ქართულ მხარეს, დამატებით, თუთის აბრეშუმხვევიას ოთხი   საკოლექციო და ოთხი უზბეკური ჯიში გადაეცა.
„თუთის აბრეშუმხვევიას გენოფონდის შენარჩუნება ქართული მეაბრეშუმეობის აღორძინების ერთ-ერთი წინაპირობაა. სოფლის მეურნეობის სამეცნიერო-კვლევითი ცენტრი აქტიურად მუშაობს თუთის აბრეშუმხვევიას გენოფონდის მოძიება-დაცვის მიმართულებით. მნიშვნელოვანია აღინიშნოს, რომ ქართულ-უზბეკური თანამშრომლობა ხელს შეუწყობს დარგის აღორძინებასა და მის შემდგომ განვითარებას”, - განაცხადა სოფლის მეურნეობის სამეცნიერო-კვლევითი ცენტრის დირექტორმა, ლევან უჯმაჯურიძემ.

მხარეებს შორის გაფორმდა თანამშრომლობის მემორანდუმი, რომელიც მეაბრეშუმეობის სექტორის გაძლიერებას, ერთობლივი სამეცნიერო კვლევების განხორციელებასა  და გამოცდილების გაზიარებას ითვალისწინებს.

ავტორი: NS (სტატია დაფინანსებულია),

სოციალური ქსელები

ელექტროენერგიის მიწოდება ნაწილობრივ აღუდგა დიდუბის, ვაკის, მთაწმინდისა და კრწანისის რაიონებს, ასევე ქუთაისის, ჭიათურის, საჩხერის, ონისა და ამბროლაურის ნაწილს

სახელმწიფო ელექტროსისტემის ინფორმაციით, ქვეყნის მასშტაბით ელექტროენერგია ავარიულად გაითიშა და მიწოდება ეტაპობრივად აღდგება

EU-ის სანქციების 21-ე პაკეტში ყულევის ქარხანა და ქართული კრიპტოპლატფორმებიც მოხვდა

ფედოროვი ვიცე-პრემიერობაზე უარს ამბობს და თავდაცვის სამინისტროში დაბრუნებას ითხოვს