ღვაწლმოსილ ექიმს, ნაბრი მიქელაძეს 80 წელი შეუსრულდა, - ამის შესახებ ინფორმაციას აჭარის ჯანმრთელობისა და სოციალური დაცვის სამინისტრო ავრცელებს.

უწყების ცნობით, აჭარის ჯანდაცვის მინისტრმა, ნინო ნიჟარაძემ, აჭარის უმაღლესი საბჭოს ჯანმრთელობის დაცვისა და სოციალურ საკითხთა კომიტეტის თავჯდომარესთან, ილია ვერძაძესთან ერთად, ღვაწლმოსილ ექიმს იუბილე მიულოცა და აჭარის ავტონომიური რესპუბლიკის მოსახლეობის სამედიცინო მომსახურების საქმეში შეტანილი წვლილისთვის მადლობის სიგელი გადასცა.

,,მადლობას მოგახსენებთ ჯანმნრთელობის დაცვის სფეროში შეტანილი წვლილისა და არაერთი გადარჩენილი სიცოცხლისთვის. თქვენ გაწეული საქმით შეძელით და მიხარია, რომ უკან გიბრუნდებათ საზოგადოების სიყვარული, პატივისცემას და მადლიერება. გილოცავთ ამ მნიშვნელოვან საიუბილეო თარიღს, გისურვებთ ჯანმრთელობას და ხანგრძლივ სიცოცხლეს!“ - განაცხადა სიტყვით მიმართვისას მინისტრმა, ნინო ნიჟარაძემ.

ცნობისთვის, ნაბრი მიქელაძე 1941 წლის 24 ივნისს, ქალაქ ბათუმში დაიბადა. 1964 წელს სანქტპეტერბურგის სამედიცინო უნივერსიტეტის დასრულების შემდგომ, პროფესიულ საქმიანობას 50 წლის განმავლობაში ეწეოდა ბათუმისა და კიევის სხვადასხვა სამედიცინო დაწესებულებაში. არის მედიცინის მეცნიერებათა დოქტორი და არაერთი სამეცნიერო ნაშრომის ავტორი. ღვაწლმოსული ექიმი აქტიურ პროფესიულ საქმიანობას 2014 წლიდან აღარ ეწევა.

ნაბრი მიქელაძის საიუბილეო ღონისძიება აჭარის ა/რ ჯანმრთელობისა და სოციალური დაცვის სამინისტრში გაიმართა, შეხვედრას მინისტრის მოადგილეები და სამინისტროს სხვა წარმომადგენლები ესწრებოდნენ.

ავტორი: NS (სტატია დაფინანსებულია),

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია