პარტია „სტრატეგია აღმაშენებლის“ ერთ-ერთი ლიდერის, სერგო ჩიხლაძის განცხადებით, მერობის ოპოზიციონერი კანდიდატი არ უნდა იყოს აფილირებული „ნაციონალურ მოძრაობასთან“.

როგორც მან აღნიშნა, როდესაც „ნაციონალური მოძრაობის“ კანდიდატი „ქართულ ოცნებასთან“ პირისპირ რჩება, ყოველთვის მარცხდება.

„სტრატეგია აღმაშენებელი“ ფიქრობს, რომ უნდა იყოს მძლავრი ოპოზიციური კანდიდატი, უნდა იყოს მძლავრი ე.წ. მესამე ოპოზიციური ცენტრის კანდიდატი, რომელიც პირდაპირ აფილირებული არ იქნება „ნაციონალურ მოძრაობასთან“, რადგან ჩვენ ეს სცენარი უკვე ვიცით. როდესაც „ნაციონალური მოძრაობის“ კანდიდატი, რაც არ უნდა ბევრი სხვა პარტიის მიერ მხარდაჭერილი იყოს, რჩება პირისპირ „ქართულ ოცნებასთან“, ის ყოველთვის მარცხდება. ეს არის განვლილი რვა წლის გამოცდილება. ამიტომ ჩვენ ვფიქრობთ მძლავრ ალტერნატიულ კანდიდატზე. ეს შეიძლება არ იყოს პირდაპირ „სტრატეგია აღმაშენებლის“ კანდიდატი, მაგრამ ასეთი კონსულტაციები გვაქვს და ჩვენ მხარს დავუჭერთ მსგავს კანდიდატს, ალტერნატიულ მესამე ცენტრის კანდიდატს“, - განაცხადა სერგო ჩიხლაძემ.

ავტორი: ექსპრესნიუსი,

სოციალური ქსელები

ანა წითლიძე თინა ბოკუჩავაზე - როდესაც ზღვაზე დასვენება უფრო დიდი პრიორიტეტია, ვიდრე პოლიტიკური პატიმრები, ბევრ რამეზე მეტყველებს

სამედიცინო სფეროს წარმომადგენლები გიორგი ჩახუნაშვილს საპროცესო შეთანხმების დადებას თხოვენ

ესპანეთის ქალაქ სეუტაში მიგრანტების შეჭრის შედეგად დაღუპულთა რიცხვი 67-მდე გაიზარდა

კობახიძე კორუფციულ დანაშაულებზე - ყველა უმკაცრესად აგებს პასუხს