ენტონი ბლინკენი - ვუერთდებით ევროკავშირის ლიდერების განცხადებას, ვგმობთ კრემლის მიერ გამოცეულ სანქციებს

2021-05-01 10:55:15, 523 ნახვა

მსოფლიო

აშშ, მისი მოკავშირეები და საერთაშორისო პარტნიორები ისწრაფვიან რუსეთთან მეტად კონსტრუქციული ურთიერთობისკენ, თუმცა მან უნდა გაითვალისწინოს თავისი საერთაშორისო ვალდებულებები, - ამის შესახებ აშშ-ის სახელმწიფო დეპარტამენტის სპიკერმა, ენტონი ბლინკენმა განაცხადა.

„ჩვენს პარტნიორებთან და საერთაშორისო მეგობრებთან ერთად ვისწრაფით რუსეთთან კონსტრუქციული ურთიერთობისკენ, თუმცა მან უნდა შეასრულოს თავისი საერთაშორისო ვალდებულებები“, - განაცხადა ენტონი ბლინკენმა.

მანვე დასძინა, რომ ვაშინგტონი უერთდება ევროკავშირის ლიდერების მიერ გაკეთებულ განცხადებას, რომელიც გმობს კრემლის მიერ გამოცემულ სანქციებს.

მისივე თქმით, რუსეთის ფედერაციის გადაწყვეტილება, გამოსცეს სანქციები, არის „კრიტიკოსების დაშინების მორიგი მცდელობა“.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან