საქართველოში დღეს შარლ მიშელი ჩამოვა

2021-04-20 09:27:30, 591 ნახვა

პოლიტიკა

საქართველოში დღეს ევროპული საბჭოს პრეზიდენტი, შარლ მიშელი ჩამოვა, - აღნიშნულის შესახებ თავად მიშელმა გუშინ, ორბელიანების სასახლეში ონლაინ ჩართვის დროს განაცხადა.

„მე მაქვს პატივი, განვაცხადო, რომ საქართველოში ჩამოვალ ხვალ, რათა შევხვდე ყველა თქვენგანს, გამოვხატო ნდობა და განვიხილო თქვენთან ერთად, როგორ უნდა გადავდგათ მეტი ნაბიჯი ერთად, რომ გავაძლიეროთ კავშირი საქართველოსა და ევროკავშირს შორის“, - განაცხადა შარლ მიშელმა.

შეგახსენებთ, რომ გუშინ, 19 აპრილს ორბელიანების სასახლეში, ევროპული საბჭოს პრეზიდენტის შარლ მიშელის მიერ პარტიებისთვის წარდგენილ დოკუმენტზე „საქართველოს სამომავლო გზა“ ხელმოწერა გაიმართა.

დოკუმენტს „ქართულმა ოცნებამ" და ოპოზიციის ნაწილმა მოაწერა ხელი. ხელმოწერის ცერემონიას პარტიების წარმომადგენლებთან და პრეზიდენტთან ერთად ესწრებოდნენ კარლ ჰარცელი და კელი დეგნანი, ასევე ღონისძიებაში დისტანციურად მონაწილეობდა შარლ მიშელი.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან