2021-04-08 20:18:38, 1562 ნახვა
მსოფლიო
აშშ-მა მიანმარს სანქციები დაუწესა
ამერიკის შეერთებულმა შტატებმა მიანმარს სანქციები დაუწესა.
ამის შესახებ ინფორმაციას სახელმწიფო დეპარტამენტი ავრცელებს, მათივე ცნობით, ე.წ. შავ სიაში სახელმწიფოს საკუთრებაში არსებული ძვირფასი ქვების საწარმო მოხვდა.
დაწესებული სანქციების მიზეზად მოსახლეობის ნების უგულვებელყოფა სახელდება, რომელსაც სამხედრო გადატრიალების გზით მოსული ხელისუფლება არ ითვალისწინებს.
„ბირმის სამხედრო რეჟიმი განაგრძობს სასტიკ თავდასხმებს ბირმის ხალხზე.
აშშ-ის სამიზნე შემოსავლების წყაროა, რომლითაც ამ ძალადობის მხარდაჭერა ხორციელდება“, – წერს აშშ-ის სახელმწიფო მდივანი, ენტონი ბლინკენი სოციალურ ქსელში.
შეგახსენებთ, რომ საპროტესტო აქციებზე შეიარაღებული ძალების ქმედებას ასობით მოქალაქე ეწირება. ბოლო 24 საათში კი საპროტესტო აქციაზე 12 მოქალაქე მოკლეს და 20-ზე მეტმა სხვადასხვა სიმძიმის დაზიანება მიიღო.
ავტორი: ექსპრესნიუსი,
epn.ge (@expressnews.ge)
