გორის ქუჩაზე ავარიული სახლის გამაგრების სამუშაოები მიმდინარეობს

2021-04-03 10:38:59, 558 ნახვა

საზოგადოება

დიდუბის რაიონის გამგეობა გორის ქუჩა N4-ში ორსართულიანი საცხოვრებელი სახლის გამაგრების სამუშაოებს ახორციელებს.აღნიშნულ მისამართზე 14 ოჯახი ცხოვრობს.

პროექტის მიხედვით, შენობის საძირკველი და მზიდი კედლები მონოლითური რკინა-ბეტონით გამაგრდება. ასევე, რეაბილიტაცია ჩაუტარდება აივნებს და შეიცვლება დაზიანებული კარ-ფანჯარა.

პროექტი „ბინათმესაკუთრეთა ამხანაგობების განვითარების ხელშეწყობის პროგრამის“ ფარგლებში ხორციელდება. შენობის კაპიტალური გამაგრების სამუშაოებისთვის გამგეობის ბიუჯეტიდან 239 988 ლარია გამოყოფილი.

ავარიული საცხოვრებელი სახლის გამაგრების სამუშაოებს დიდუბის რაიონის გამგებელის მოვალეობის შემსრულებელი მამუკა ვეკუა ადგილზე გაეცნო და ადგილობრივ მცხოვრებლებს შეხვდა.

Patreon P მხარი დაუჭირე "ექსპრესნიუსს" →

ავტორი: NS (სტატია დაფინანსებულია),