„ტელეკომპანიას პირველის“ საინფორმაციო სამსახურის უფროსი, ნოდარ მელაძე და ჟურნალისტი მაკა ჩიხლაძე ეთერში გასულ ფარულ აუდიოჩანაწერებთან დაკავშირებით პროკურატურაში გამოკითხვაზე მისვლას არ აპირებს.

ამის შესახებ ადვოკატი გიორგი მშვენიერაძე საკუთარი Facebook-ის გვერდზე წერს.

„ნოდარ მელაძე და მაკა ჩიხლაძე არ აპირებენ პროკურატურაში მისვლას და გამოკითხვაში მონაწილეობას მათ მიერ მომზადებულ ჟურნალისტურ გამოძიებასთან დაკავშირებით. ამის შესახებ პროკურატურა ინფორმირებულია ჩემს მიერ.

სამწუხაროა, რომ პროკურატურა თავად აუდიო ჩანაწერით აქამდე არ დაინტერესებულა, რომლის გადაცემის მზაობას ვაცხადებდით და ვაცხადებთ“, - წერს გიორგი მშვენიერაძე.

შეგახსენებთ, რომ 6 მარტს „ტელეკომპანია პირველის“ ეთერში, ნოდარ მელაძის შაბათის გადაცემაში გავრცელდა სატელეფონო საუბრის ჩანაწერი, სადაც „ქართული ოცნების“ ყოფილი თავმჯდომარის შვილი ბერა ივაიშვილი და მოქმედი პრემიერ-მინისტრი, ირაკლი ღარიბაშვილი საუბრობენ.

აღნიშნულ ჩანაწერებთან დაკავშირებით პროკურატურამ გამოძიება 9 მარტს დაიწყო.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს