2021-03-01 17:39:41, 678 ნახვა
სამართალი
გარდაბანში აფეთქების შედეგად დაშავებული 15 წლის მოზარდი გარდაიცვალა
გარდაბანში, ერთ-ერთი სკოლის გვერდით მდებარე ფერმაში აფეთქება მოხდა, რის შედეგადაც 11 წლის ბავშვი დაშავდა, 15 წლის მოზარდი კი, გარდაიცვალა.
„ჯეო ჰოსპიტალის“ ექიმის განცხადებით, მოზარდს კლინიკაში შეყვანისას მრავლობითი დაზიანება აღენიშნებოდა, რაც სიცოცხლისთვის შეუთავსებელი აღმოჩნდა.
შემთხვევის ადგილზე მობილიზებულია პოლიცია, მუშაობენ ექსპერტ-კრიმინალისტები.
როგორც „ექსპრესნიუსს“ შინაგან საქმეთა სამინისტროში განუცხადეს, მომხდარზე გამოძიება სისხლის სამართლის კოდექსის 229-ე მუხლით მიმდინარეობს, რაც აფეთქებას გულისხმობს.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
