2021-02-24 18:32:10, 581 ნახვა

---

რომან გოცირიძე - ჟიგიმანტას პავილიონისის განცხადებებმა, საქართველოში მიმდინარე პროცესების შესახებ, ბევრს თვალი აუხილა

„ნაციონალური მოძრაობის“ წევრი, რომან გოცირიძე ლიეტუვის სეიმის წევრის ჟიგიმანტას პავილიონისის ლიუტუვის პარლამენტში დაბარებას გამოეხმაურა.

მისი თქმით, პავილიონისის განცხადებები პოლიტიკური კონტექსტის ადეკვატური იყო და მან ბევრს საქართველოში მიმდინარე პროცესებთან დაკავშირებით თვალი აუხილა.

„ეს ადამიანი მოიქცა მორალურად, მოიქცა პოლიტიკური კონტექსტის აბსოლუტურად ადეკვატურად და შესაბამისად. მისმა განცხადებებმა ზოგს აუხილა თვალი საქართველოში მიმდინარე პროცესებთან დაკავშირებით. მისი ვიზიტი ამ კუთხით იყო ძალიან ნაყოფიერი“, - განაცხადა რომან გოცირიძემ.

შეგახსენებთ, რომ ჟიგიმანტას პავილიონისი საქართველოში ვიზიტის გამო, განმარტებისთვის ლიეტუვის პარლამენტში დაიბარეს.

---

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

---

დღის თემა

მთავარი თემა

ინტერვიუ - ექსკლუზივი