2021 წლის 25 თებერვალს ბოლშევიკური რუსეთის მიერ დამოუკიდებელი საქართველოს ოკუპაციიდან 100 წელი სრულდება.

სწორედ ამ უმძიმეს თარიღს ეძღვნება საქართველოს იუსტიციის სამინისტროს ეროვნული არქივის ფეისბუქის ოფიციალურ გვერდზე საჯარო ლექციების ციკლი, რომელიც 18, 22 და 26 თებერვალს გაიმართება.  

ისტორიკოსი, ეროვნული არქივის თანამშრომელი დიმიტრი სილაქაძე ონლაინ წაიკითხავს 3 საჯარო ლექციას საქართველოს ბოლშევიკური ოკუპაციისა და რუსეთ-საქართველოს ომის შესახებ: „მზადება ომისათვის" (18 თებერვალი, 18:00 საათი), „ომის პირველი ეტაპი და თბილისის დაცემა" (22 თებერვალი, 18:00 საათი) და „ომი თბილისის დაცემის შემდეგ და მარცხი" (26 თებერვალი, 18:00 საათი).

ლექციებში მიმოხილული იქნება ის უნიკალური საარქივო მასალა, რომელიც 100 წლის წინათ საქართველოში განხორციელებულ ტრაგიკულ მოვლენებზე საინტერესო და უტყუარ ცნობებს გვაწვდის.

ბოლო წლებში საქართველოს ეროვნული არქივი აქტიურად მუშაობს, რათა საქართველოს პირველი რესპუბლიკის ისტორიის ამსახველი დოკუმენტები საზოგადოებისთვის უფრო მეტად ხელმისაწვდომი გახდეს. ამისთვის არაერთი საგანმანათლებლო და სამეცნიერო პროექტი ჩატარდა, გამოიცა წიგნები, შეიქმნა ელექტრონული კატალოგი და მულტიმედია გვერდი, გაიმართა გამოფენები მატერიალურ და ციფრულ ფორმატში.  ამ მრავალფეროვანი რესურსების გაცნობა არქივის ვებგვერდზეა შესაძლებელი: www.archive.gov.ge.

ავტორი: NS (სტატია დაფინანსებულია),

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს