იტალიის პრემიერ-მინისტრი ჯუზეპე კონტე თანამდებობიდან გადადგა.

ამის შესახებ ინფორმაციას ადგილობრივი მედია ავრცელებს.

მათივე ცნობით, ჯუზეპე კონტემ მთავრობის გადადგომის შესახებ იტალიის პრეზიდენტს, სერჯიო მატარელას დღეს შეატყობინა.

„მადლობას ვუხდი სამთავრობო ჯგუფს, თითოეულ მინისტრს ამ თვეების მანძილზე ერთად გატარებული ყოველი დღისთვის“, - აღნიშნა კონტემ იტალიელი ხალხისთვის გაგზავნილ ვიდეომიმართვაში, რომელშიც მისი გადაწყვეტილების შესახებ განმარტებას აკეთებს.

როგორც ცნობილია, კონტე გადადგომის შემდეგ, კოალიციის შექმნას გეგმავს, რომელშიც იტალიის პარლამენტის ცენტრისტ წევრებს გააერთიანებს.

ცნობისთვის, იტალიაში პოლიტიკური კრიზისია, რომელიც მას შემდეგ დაიწყო, რაც ქვეყნის მმართველი კოალიცია დაიშალა. პრემიერ-მინისტრი, მატეო რენცი ეკონომიკური აღდგენის გეგმას არ ეთანხმება. მისმა პარტიამ „ცოცხალმა იტალიამ“ მინისტრთა კაბინეტი დატოვა. ამ ყოველივემ კორონავირუსის პანდემიის ფონზე არსებული კრიზისი კიდევ უფრო გაამწვავა.

ავტორი: ექსპრესნიუსი,

სოციალური ქსელები

ევროპარლამენტი: მკაფიო გზავნილი საქართველოს და თურქეთს - რეფორმების გარეშე წინ ვერ წახვალთ

გაეროს ადამიანის უფლებათა საბჭოში საქართველოზე კრიტიკული ანგარიში მომზადდა

ლაიენი: სომხეთი აგრძელებს გზას დემოკრატიისკენ, EU-სთან უფრო მჭიდრო თანამშრომლობისკენ

ოცნების საგარეო: რუსეთსა და ოკუპირებულ ცხინვალს შორის შეთანხმებაზე შეშფოთება გამოვთქვით