გამოძიების ფედერალური ბიურო (FBI) ამერიკის შეერთებული შტატების პრეზიდენტ ჯო ბაიდენის ინაუგურაციამდე რამდენიმე დღით ადრე, მოსახლეობას შესაძლო შეიარაღებული პროტესტის გამართვის შესახებ აფრთხილებს.

აღნიშნულ ინფორმაციას, „როიტერსი“ ავრცელებს.

მათივე ცნობით, აშშ-ის კაპიტოლიუმში თავდასხმის შემდეგ, პრეზიდენტ დონალდ ტრამპის მომხრეები მიმართავენ ძალადობას და სწორედ ამიტომ, FBI-იმ გასცა გაფრთხილებები, რომლებიც ინაუგურაციის დღემდე გაგრძელდება.

აშშ-ში ეროვნულმა გვარდიამ ვაშინგტონში 15000-მდე ოდენობის ჯარი გაგზავნა, ამასთანავე ტურისტებს 24 იანვრამდე ეკრძალებათ ვაშინგტონის ძეგლების მონახულება.

ეროვნული გვარდიის ბიუროს თავმჯდომარე, გენერალი დენიელ ჰოკანსონის განცხადებით, შაბათისთვის ვაშინგტონში ეროვნული გვარდიის 10 000 წევრი იქნება უსაფრთხოების, ლოჯისტიკისა და კომუნიკაციების უზრუნველსაყოფად. თუ ადგილობრივი ხელისუფლებისგან მოთხოვნა იქნება, დედაქალაქში ეროვნული გვარდიის ძალების რაოდენობა, შესაძლოა, 15 000-მდე გაიზარდოს.

შეგახსენებთ, რომ ამერიკის შეერთებული შტატების ახლადარჩეული პრეზიდენტის, ჯო ბაიდენის ინაუგურაცია 20 იანვარს გაიმართება.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს