2021-01-11 11:14:31, 1858 ნახვა
სამხედრო
ანრი ოხანაშვილი - ივანიშვილს პოლიტიკაში მუდმივად დარჩენა მიზნად დასახული არასდროს ჰქონია
„ქართული ოცნების“ წევრმა, ანრი ოხანაშვილმა განაცხადა, რომ ივანიშვილს პოლიტიკაში მუდმივად დარჩენა მიზნად დასახული არასდროს ჰქონია.
როგორც ოხანაშვილი ამბობს, ივანიშვილის მიერ პოლიტიკის დატოვება დემოკრატიული ნაბიჯია.
„ბიძინა ივანიშვილმა მისი ძალიან დიდი ისტორიული კვალი დატოვა ქართულ პოლიტიკურ სივრცეში. ამას შეაფასებს საზოგადოება ეტაპობრივად და რა თქმა უნდა, ძალიან მნიშვნელოვანია დემოკრატიული პროცესისთვის ის ნაბიჯი, რაც მან გადადგა. ეს არის სრულიად განსხვავებული, დემოკრატიული, მორალური სტანდარტი, რომ იყო ხელისუფლებაში და არ გქონდეს სწრაფვა ძალაუფლებაში მუდმივად დარჩენისკენ. მას არასდროს ქონია მიზნად დასახული პოლიტიკაში მუდმივად დარჩენა“, - განაცხადა ოხანაშვილმა.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
