„თავმჯდომარის წასვლა მიუთითებს, რომ „ენმ“ არაა ჩამოყალიბებული პოზიციებზე, რომელიც საჭიროა კრიზისულ სიტუაციაში“, - ამის შესახებ „გირჩის“ ერთ-ერთმა ლიდერმა ვახტანგ მეგრელიშვილმა ტელეკომპანია „რუსთავი 2“-ის ეთერში განაცხადა.

მან ასევე აღნიშნა, რომ მკაფიო პოზიციების არ არსებობა იწვევს გაუგებრობას პოლიტიკურ პარტიებში.

„ცოტა რთულია სხვა პარტია შევაფასო, როდესაც ცოტა ხნის წინ ჩვენს პარტიაშიც იყო მსგავსი გაყოფა თუ გაუგებრობა. მაგრამ განსხვავება „გირჩსა“ და „ნაციონალურ მოძრაობას“ შორის არის უზარმაზარი.

ენმ არის დიდი პარტია, რომელიც ამ კრიზისულ ვითარებაში, რომელშიც ჩვენ და ჩვენი ქვეყანა ვართ,  თითქმის მთავარ როლს თამაშობს და ენმ-ზე ძალიან ბევრი რამე იყო და არის დამოკიდებული.

ამ მომენტში ზუსტად ნაციონალური მოძაობის თავმჯდომარის წასვლა ზუსტად იმაზე მიუთითებს, რომ თავად ენმ მკაფიოდ არ არის ჩამოყალიბებული იმ პოზიციებზე, რომელიც ასე რიგად საჭიროა დღევანდელ კრიზისულ სიტუაციაში პოლიტიკური პარტიისთვის, რომ გასაგები იყოს, ხვალ თუ ასე განვითარდება ჩვენ ასე ვიქცევით, თუ სხვანაირად, მაშინ სხვანაირად მოვიქცევით.

ასეთი მკაფიოობა და ასეთი სიცხადე ნამდვილად არაა პოლიტიკური პარტიებისთვის დღევანდელ ვითარებაში დამახასიათებელი და ამას მიანიშნებს ის პრობლემაც, რომელიც ბატონ გრიგოლსა და მის პარტიას შორის გაჩნდა“, - განაცხადა ვახტანგ მეგრელიშვილმა.

ავტორი: ექსპრესნიუსი,

სოციალური ქსელები

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა

ნავროცკიმ ზელენსკის მიმართა „თეთრი არწივის“ სკანდალის ფონზე